ଜାୟାର ସୋହାଗ ଶଙ୍ଖା ସିନ୍ଦୁର,
ପ୍ରେମ ମଧୁ ଝରେ ଯହିଁ ନିରନ୍ତର,
ସୁହାଗିନୀ ଚାହେଁ ସ୍ନେହ ସମର୍ପଣ,
ଏ ବନ୍ଧନ ହେଉ ସାତ ଜନମ ।
ମଧୁ ମୟ ହୁଏ ଜୀବନ ସାରା,
ଧନ୍ୟ ଏ ସଂପର୍କ ଅବୋଲକରା । ।
Showing posts with label ଅବୋଲକରା. Show all posts
Showing posts with label ଅବୋଲକରା. Show all posts
ସବୁ ଠୁ ସୁନ୍ଦର ଆମରି ଗାଁ
ସବୁ ଠୁ ସୁନ୍ଦର ଆମରି ଗାଁ
ସୋରିଷଫୁଲର ବସିଛି ହାଟ,
ନାରିକେଳ ତାଳ ତମାଳ ଥାଟ ।
ଧାଡି ଧାଡି ଘର ଚାଳ ଛପର,
ଝୋଟି ଚିତା କାନ୍ଥ ଭାରି ସୁନ୍ଦର ।
ଗାଁ ଧୂଳି ଖେଳ ସ୍ମୃତି ଅପାଶୋରା,
ଭୁଲିହୁଏ ନାହିଁ ଅବୋଲକରା । ।
ମହାନିର୍ବାଣ
ଗଣତନ୍ତ୍ର ନୀତି ରାଷ୍ଟ୍ର ନିର୍ମାଣ,
ସମାଜ କଲ୍ୟାଣେ ସମ୍ବିଧାନ,
ଏକ ଜାତି ଏକ ଧରମ ପାଇଁ,
ମାନବ ସମାଜ ବୁଝଇ ନାହିଁ ।
କୁଟ ରାଜନୀତି ଶାସନ ଖସଡା,
ଦିଗହରା ଆଜି ଅବଲୋକରା । ।
ଶ୍ରଦ୍ଧା ସୁମନ
ଶ୍ରଦ୍ଧା ସୁମନ
ଶୂନ୍ୟେ ଆସିଛୁ ତୁ ଶୂନ୍ୟରେ ଯିବୁ,
ସ୍ଥୁଳ ଘଟେ କେତେ ଲୀଳା ରଚିବୁ ।
ନଶ୍ୱର ଶରୀର ମାୟା ସଂସାର,
ଏକ ମାତ୍ର ସାହା ପରମେଶ୍ୱର ।
ସତ୍ କର୍ମ କରିବୁ ଜୀବନ ସାରା,
ପରମ ଲଭିବୁ ଅବୋଲକରା । ।
ରହସ୍ୟମୟ “ଯତନ ନଗର”
ଅବୋଲକରା-୮
“ଯତନ୍ ନଗର” ନୁହେଁ ଯାତନା ଗଡ,
ବେଠି ଖଟି ଜନେ ସାଜିଲେ ମଢ ।
ଲୁହ ଲହୁ ମିଶି ଏକ ହୋଇଲା,
ବେତ୍ରାଘାତେ କାର ଜୀବନ ଗଲା ।
ଅନେଶ୍ୱତ ଗୃହ ହେଲା ଖପରା,
ଅଧର୍ମର ବିତ ଅବଲୋକରା । ।
ଓଡିଶାର କେତୋଟି ଭୂତ କୋଠୀ ମଧ୍ୟରୁ ଢେଙ୍କାନାଳର ଯତନ ନଗର ଏକ ରହସ୍ୟମୟ ସ୍ଥାନ କହିଲେ ଅତୁ୍ୟକ୍ତି ହେବ ନାହିଁ । ତେବେ ଢେଙ୍କାନାଳ ବଜାରରେ ଏକ ଭବ୍ୟ ରାଜ ପ୍ରାସାଦ ଥିବା ସ୍ଥଳେ ,ରାଜା ନୃସିଂହ ପ୍ରତାପଙ୍କ କ୍ରୁର ଶାସନ ସମୟରେ ଶହ ଶହ ଜନସାଧାରଣଙ୍କୁ ବେଠି ଖଟାଇ, ସିମିଳିଆ ଠାରେ ରାଣୀ ଯତ୍ନପ୍ରଭାଙ୍କ ନାମାନୁସାରେ ଯତନ ନଗର ନାମିତ ଅନେଶ୍ୱତ ଗୃହ ବିଶିଷ୍ଟ ରାଜ ପ୍ରାସାଦ ନିର୍ମାଣ କରିବା ରାଜ ତନ୍ତ୍ରର ଏକ କୁ ଚରିତ୍ର ଚିତ୍ରଣ କରୁଛି । କାରଣ ଏଠାରେ ପ୍ରଜାମାନେ ନିଜ ଘରୁ ଚୂଡା ଚାଉଳ ଆଣି ଏଠାରେ ବେଠି ଖଟୁଥିଲେ । କାମ ନକଲେ ଚାବୁକ୍ ପ୍ରହାର ସହିତ ବେଳେ ବେଳେ ଲୋକମାନଙ୍କୁ ମାରି ଦିଆ ଯାଉଥିଲା । ପ୍ରାସାଦଟି ଏକ ପାହାଡ ଉପରେ ଥିବାରୁ ହାତୀମାନଙ୍କ ଦ୍ୱାରା ପଥର ଉଠା ଯାଉଥିଲା । ବିଶାଳକାୟ ପଥରକୁ ହାତୀମାନେ ବହନ ନ କରି ପାରୁଥିବାରୁ, ସମୟେ ସମୟେ ଅନେକ ହାତୀ ଏଠାରେ ମୃତୁ୍ୟ ବରଣ କରିଛନ୍ତି । ମୁଁ ଯେତେବେଳେ ଢେଙ୍କାନାଳ ବଜାରରୁ ମଧ୍ୟାହ୍ନ ଭୋଜନ ସାରି, ଏକୁଟିଆ ଦିନ ଦୁଇଟା ପାଖା ପାଖି ଦ୍ୱି ପ୍ରହର ସମୟରେ ଏହି ଭଗ୍ନ ରାଜ ପ୍ରାସାଦରେ ପହଂଚିଥିଲି, ପ୍ରାୟତଃ ଏହି ଯନ୍ତ୍ରଣା ଜର୍ଜରିତ ସ୍ଥାନରେ ଯେ, ଅଶରିରୀଙ୍କ ଉପସ୍ଥିତିକୁ ଅସ୍ବୀକାର କରାଯାଇ ନ ପାରେ,ତାହା ଅନୁଭବ କରିଥିଲି । ସବୁଠାରୁ ରହସ୍ୟମୟ ଅନୁଭବ ଥିଲ,ଯତନ ନଗର କାର୍ଯ୍ୟକ୍ରମ ପାଇଁ ମୋ ମୋଟର ସାଇକେଲଟିକୁ ପୂର୍ବରୁ ଅପଡେଟ୍ କରି ରଖିଥିଲେ ମଧ୍ୟ,ଫେରିବା ସମୟରେ ମୋ ମୋଟର ସାଇକେଲଟି ଚାଲିବା ଅବସ୍ଥାରେ ନ ଥିଲା । ଶେଷରେ ସାତ ଦିନ ପର୍ଯ୍ୟନ୍ତ ମୋ ଦେହ ଖରାପ ହୋଇଥିଲା । ଧନ୍ୟ ତୁମେ ଯତନ ନଗର, ଧନ୍ୟ ଏହି ଭୁତ କୋଠୀ ।
ଅବୋଲକରା-୬
(ହାଜତ୍ ମୃତୁ୍ୟ)
ଶାସକ ସାଜିଛି ଆଜି ଘାତକ,
ଯମାଳୟ ହୁଏ ଯେବେ ହାଜତ ।
ପୋଲିସ ସାଜିଲାଣି ନରହନ୍ତା,
ମାନବତା ସ୍ଥାନେ ବର୍ବରତା ।
ଶାସନର କଳ ଭାରି ହୁଗୁଳା,
ସାବଧାନ୍ ଥିବୁ ଅବୋଲକରା ।
ପ୍ରେମ ମାନସାଙ୍କ
ଅବୋଲକରା-୫
ଅବୋଧ୍ୟ,ଜଟିଳ ପ୍ରେମ ମାନସାଙ୍କ,
ଏକ, ଏକ ମିଶି ହୁଅଇ ଏକ ।
ପ୍ରେମ ବିୟୋଗେ ଜୀବନ ଅଧୁରା ।
ପ୍ରେମପ୍ଲୁତ ଭବ ଅବୋଲକରା ।
ଅବୋଲକରା-୪
ଗାଆଁ ପରିମଳ,ତୁଠ ସୁନ୍ଦର,
ଜଳିଥିଲା ସେ’ଠି ଏନ୍ତୁଡିଶାଳ ।
ଗାଁ ଧୂଳି ଖେଳ ସ୍ମୃତି ଅପାଶୋରା ।
ଭୁଲିବୁନି କେବେ ଅବୋଲକରା । ।
ଅବୋଲକରା-୩
ଅବୋଲକରା-୩
ଜନ୍ମ ହେଲେ ମୃତୁ୍ୟ ଏ କଥା ସତ୍ୟ,
ଲୋଡା ହେବ ତୋର ଛ ଖଣ୍ଡି କାଠ ।
ଦଶ ଦିନେ ହେବ ଦଶ ଖପରା ।
ଏଇ ତ ଜୀବନ ଅବୋଲକରା ।
ଅବୋଲକରା-୨
ଅତୀତର ଏକ ଦୁଃଖଦ ଘଟଣା କ୍ରମେ: ବିବାହିତ ମହିଳାଙ୍କ ସହିତ ଅବିବାହିତ ଯୁବକଙ୍କ ପରକୀୟା ପ୍ରିତୀ
“ପରକୀୟା ପ୍ରିତୀ” ପଥ ଖସଡା,
ପଥ ହୁଡିଗଲେ ହେବୁ ଧର୍ମଛଡା ।
ଘରଛଡା କେବେ,ବନିବୁ ମଡା ।
ସତର୍କ ରହିବୁ ଅବୋଲକରା । ।
Subscribe to:
Posts (Atom)