କିଏ କହେ ଦେଶ ବଦଳୁଛି,
ତେଲିଆ ମୁଣ୍ଡରେ ତେଲ ଢଳା ଚାଲେ,
ଚଉଦ ପୁରୁଷକୁ ନେତା ସମ୍ପତ୍ତି ରଖିଲେ,
ଟିକସ ବସାଇ,ଗରିବର ତଣ୍ଟି ନିଇତି ଚିପି,
ଘର ବୁଡି ପାଣି ଆଣ୍ଠୁଏ ହେଲାଣି,
କଣା କହେ ମେଘ ଦୁଲୁକୁଛି।।
ମୁଁ ଦୁଃଖୀ ଜନ ସେବା କରୁଅଛି।।
ମାଗଣା ଯୋଜନା କୁଜି ପାଉଅଛି,
ଲାଜ ଲୁଚେ ନାହି,ଲୁଗା ଖଣ୍ଡେ ପାଇଁ,
ଟଙ୍କେ ଚାଉଳରେ,ଭାଗ୍ୟ ବଦଳେ ନି।
ବାର୍ଦ୍ଧକ୍ୟ ଭତ୍ତାରେ ଜୀବନ ମିଳେ ନି,
ଜୀବନର ନଇରେ,କୁଟା ଖିଆ ପରି
ଭୋକିଲା ପେଟରେ ଚାହିଁ ଅଛି।।
ଦେଶ ଆଜି ମୋର ବଦଳୁଛି।।
ପୋଷେ ମୁଢ଼ି ପାଇଁ,କୋଶେ ଯିବି ଧାଇଁ,
ମାଗଣା ଯୋଜନା ,ମନ ହାଇଁ ପାଇଁ।
ପୋଡ଼ୁ ପଛେ ଶିକ୍ଷା,ପୋଡ଼ୁ ସ୍ବାଭିମାନ
ନେତା ହାତ ଟେକା, କରୁଅଛି ବୋକା।
ମାଗଣା ମିଳୁଛି,ଚାତକ ମୁଁ ନିତି ଚାହୁଁଅଛି।।
ଧନୀ ଗରିବର ପାଚେରୀ ହୋଇଛି,
ସତ ପାଶେ ମିଛ ବନ୍ଧା ପଡ଼ିଅଛି।
ରାମର ରାଇଜ ରାଜୁତି ହୋଇଛି।
ଭୋକରେ ମୁଁ ଦିନ କାଟୁଅଛି।
ଉଠୁରେ ପୁତା ଉଠୁ, ଉଠୁରେ ପୁତା ଉଠୁ।
ଦିନ ସରିଗଲା,କାଳ ଆସିଗଲା।
ଏମିତି ମୋ ଭାଗ୍ୟ ବଦଳୁଛି।
No comments:
Post a Comment
ହୃଦୟର ଶରଧା ସହିତ...........