ସେବା ଟ୍ରଷ୍ଟ ଆନୁକୁଲ୍ୟରେ ପ୍ରଥମ ପ୍ରତିଷ୍ଠା ଦିବସ ଏବଂ ଗୋପବନ୍ଧୁ ଜୟନ୍ତୀ
IYA NEWS (ନିଆଳୀ) ତା୦୯/୧୦/୨୦୨୦ରିଖ ମହାମାରୀ କରୋନା ସମୟରେ ଦୁସ୍ଥ ଅସହାୟଙ୍କର ସେବା କରି ଆସିଥିବା ସମୟରେ,କଟକ ଜିଲ୍ଲା ଅନ୍ତର୍ଗତ ଦେବୀ କନ୍ଦଳ ଦ୍ୱୀପାଂଚଳର ଅଗ୍ରଣୀ ସ୍ବେଚ୍ଛାସେବୀ ସଙ୍ଗଠନ “ସେବା ଟ୍ରଷ୍ଟ” ଆନୁକୁଲ୍ୟରେ ସଙ୍ଗଠନର ପ୍ରତିଷ୍ଠା ଦିବସ ଏବଂ ଉକ୍ରଳମଣି ଗୋପବନ୍ଧୁ ଦାସଙ୍କର ଜୟନ୍ତୀ କସର୍ଦା ଠାରେ ପାଳିତ ହୋଇଯାଇଛି । ଏହି ଅବସରରେ ପ୍ରଥମେ ଶିକ୍ଷାବିତ୍ ପ୍ରଶାନ୍ତ ମାହାପାତ୍ର ଗୋପବନ୍ଧୁଙ୍କ ପଟ୍ଟଚିତ୍ରରେ ପୁଷ୍ପାର୍ଘ୍ୟ ଅର୍ପଣ ପୂର୍ବକ ଗୋପବନ୍ଧୁଙ୍କ ଜୀବନୀ ସଂପର୍କରେ ଆଲୋକପାତ କରିଥିଲେ ଏବଂ ଏହି ସଙ୍ଗଠନଟି ଗୋପବନ୍ଧୁଙ୍କ ଆଦର୍ଶରେ ଅନୁପ୍ରାଣିତ ହୋଇ ଦୀର୍ଘ ଦିନ ହେଲା ଦ୍ୱୀପାଂଚଳରେ ବିଭିନ୍ନ ସାମାଜିକ କାର୍ଯ୍ୟ କରିବା ସହିତ ଗ୍ରାମାଂଚଳର ଜନ ସାଧାରଣଙ୍କ ହୃଦୟରେ ଏକ ବିଶେଷ ସ୍ଥାନ ଦଖଲ କରିଛି ବୋଲି ଶ୍ରୀଯୁକ୍ତ ମହାପାତ୍ର ମଧ୍ୟ ପରିପ୍ରକାଶ କରିଥିଲେ ।ଏତଦ୍ ବ୍ୟତୀତ ସେବା ଟ୍ରଷ୍ଟ ତରଫରୁ ଏକ ପାଠାଗାର ଉନ୍ମୋଚନ କରାଯାଇଥିଲା । ପରେ ପରେ ଶ୍ରୀ ଶଙ୍କରେଶ୍ୱର ମନ୍ଦିର ପ୍ରାଙ୍ଗଣରେ କୋଭିଡ୍ ନିୟାମୁନାଯାୟୀ ସାମାଜିକ ଦୂରତା ଅବଲମ୍ବନ କରି ଏକ ସାଧାରଣ ବୈଠକ କରାଯାଇଥିଲା । ଏଥିରେ ସେବା ସଂଗଠନର ସଭାପତି ଚନ୍ଦନ ମହାନ୍ତି ପୌରହିତ୍ୟ କରିବା ସହିତ ଦିବ୍ୟ ରଞ୍ଜନ ମହାପାତ୍ର ସଂଗଠନର ବାର୍ଷିକ ବିବରଣୀ ପାଠ କରିଥିଲେ । ଉକ୍ତ ବୈଠକରେ ମୁଖ୍ୟ ଅତିଥି ସମାଜସେବୀ ଅକ୍ରୁର ମହାନ୍ତି,ଆର୍ତବନ୍ଧୁ ପାତ୍ର,ସମ୍ମାନିତ ଅତିଥି ସମାଜସେବୀ ରଜନୀ କାନ୍ତ ମହାପାତ୍ର,ମିହିର କୁମାର ମହାପାତ୍ର,ଅମ୍ବିକା ପ୍ରସାଦ ଷଡଙ୍ଗୀ,ସୂର୍ଯ୍ୟକାନ୍ତ ସ୍ବାଇଁ,ଭୋଳାନାଥ ମଲ୍ଲିକ,ସି.ଭି.ପି.ର ମୁଖ୍ୟ ଉପଦେଷ୍ଟା ସରୋଜ ସ୍ବାଇଁ,ସାମାଜିକ ସଙ୍ଗଠନର “ଅଭିମନ୍ୟୁ” ସଭାପତି ଅଭିମନୁ୍ୟ ମଲ୍ଲିକ, “ମାତୃଭୂମି”ର ସଭାପତି ବିବେକ ଜେନା,ଆଇନଜିବୀ ଅବଦୁଲ ବାରି ଏବଂ “ମଦ ମୁକ୍ତ ବାହିନୀ”ର ସଂଯୋଜକ ଲଲାଟେନ୍ଦୁ ପାତ୍ର ପ୍ରମୁଖ ଯୋଗଦାନ କରିଥିଲେ । ଉକ୍ତ କାର୍ଯ୍ୟକ୍ରମକୁ ସଂଗଠନର ସଦସ୍ୟ ଦିବ୍ୟଜ୍ୟୋତି ମହାନ୍ତି,ସୌମ୍ୟ ପାଢୀ,ରୁଦ୍ର ପାଢୀ,ସୋମେଶ ଜେନା,ସୌଭାଗ୍ୟ ସେଠୀ,ସ୍ବପ୍ନେଶ୍ୱର ମହାପାତ୍ର , ଶକ୍ତି ଶଙ୍କର ମହାପାତ୍ର ପ୍ରମୁଖ ପରିଚାଳନା କରିଥିଲେ । କାର୍ଯ୍ୟକ୍ରମର ଶେଷରେ ଉପଦେଷ୍ଟା ବିଜୟ ଖଟେଇ ଧନ୍ୟବାଦ ଅର୍ପଣ କରିଥିଲେ ।
No comments:
Post a Comment
ହୃଦୟର ଶରଧା ସହିତ...........