ଧନ୍ୟ ଧନ୍ୟ ତୁହି ଗଣିକା ମାଧ୍ୟମ । ।ତୋ କୃପାରେ ହୁଏ ଅସାଧ୍ୟ ସାଧନ ।
ଉତମ ହୁଅଇ କେବେ ନରାଧମ । ।ଅଧମକୁ ମିଳେ ମାନ ସନମାନ । ।
ଶାସକ ଦଳର ସେବା କରୁ ଯେବେ । ।ତୋ ଉଦର ଖାଲି ଟଙ୍କା ସୁନା ଲଭେ । ।
ବଢେ ପ୍ରତିପତି ,ବଢଇ ଟି.ଆର.ପି । । ସମାଜ ସମ୍ମୁଖେ ଫୁଲି ଉଠେ ଛାତି । ।
ଗଣିକାରୁ ଯେବେ ହେଉ ତୁହି ଗଣ । । ଦୁନିଆଁରେ ସାଜୁ ତୁହି ସଇତାନ । ।
ଆଇନ ଜାଲରେ ହେଉ କେବେ ଛନ୍ଦି । । ପୁଲିସ୍ ବାବୁଟା କେବେ ନିଏ ବାନ୍ଧି ।
ଘରେ ତୋର ବୁଲେ ନିତି କଳାକନା । ।ସଂସାରେ ବାଜଇ ନିନ୍ଦା ଓ ବାଜଣା । ।
ସତ ଲେଖୁ ବୋଲି ପେଟରେ ତୋ ନାତ । । ଘରେ ତୋର ହାଣ୍ଡି ହୁଏ ମାଙ୍କଡଚିତ୍ । ।
ଘରର ଘରଣୀ କେବେ କାଚ ଖୋଲେ । । ପିଲା ଛୁଆ ତୋର ବଡ ଦାଣ୍ଡେ ବୁଲେ ।
ମାନ ଯାଉ ପଛେ ହୋଇବି ଗଣିକା । ।ଟଙ୍କା ବାହୁ ବଳେ ହେବି କିଣା ବିକା । ।
ଶାସକ କଥାରେ ହେବି ଭାଉ ଭାଉ । । ପୋଡା ରୁଟି ଖଣ୍ଡେ ମୁଖେ ପଡି ଥାଉ । ।
ସତ ହେଉ ମିଛ, ମିଛ ହେଉ ସତ । ।ଖାଉଥିବି ନିତି ହାତ ଗୁଂଜା ଲାଂଚ । ।
ଜଗତେ ବୋଲିବେ ମୋତେ ଧନ୍ୟ ଧନ୍ୟ । । “ଶ୍ରେଷ୍ଠ ସାମ୍ବାଦିକ” ପାଇବି ସମ୍ମାନ । ।
ହାତ ଯୋଡୁଥିବେ ନେତା ଓ ମନ୍ତିରୀ । । ଗଣିକା ମାଧ୍ୟମ ଭଲ ଠୁ ଚାକିରୀ ।
ଗଣିକା ମାଧ୍ୟମ ଧନ୍ୟ ତୋ ମହିମା । । ମହାମୁର୍ଖ ମୁହିଁ କି ଦେବି ଉପମା । ।
ତିନି ତୁଣ୍ଡେ ତୁହି ଛାଗଳରୁ ଶ୍ୱାନ । । ଜଗତେ ବୋଲିବେ ତୋତେ ଧନ୍ୟ ଧନ୍ୟ
ଇତିଶ୍ରୀ କୁଟୁଳିଆ ସମାଜ ପୁରାଣେ ରାଜନୀତି ତନ୍ତ୍ରେ ଚାମଚା ସାମ୍ବାଦିକ ମନ୍ୱନ୍ତରେ ନାମ ଗଣିକା ମାଧ୍ୟମ ମହିମା ଅଧ୍ୟାୟ । ।
ଭୁଲିବନି କେବେ ମୋତେ,ପୁଣି ତୁମରି ଅପେକ୍ଷାରେ...
No comments:
Post a Comment
ହୃଦୟର ଶରଧା ସହିତ...........