ରାଜ୍ୟ ସରକାର ଦୁର୍ନିତୀ ପାହାଡର ଉଚ୍ଚତା ଦିନକୁ ଦିନ ବଢି ଚାଲିଛି । “ଏତେ ଖାଇ ଖାଇ ନ ପୁରେ ପେଟ, ବିରି ଓଳିଆରେ ମାଇଲା ଥଂଟ” ନ୍ୟାୟରେ, ସରକାରୀ ବିଦ୍ୟାଳୟରେ ପଢୁଥିବା ଛାତ୍ରୀ/ଛାତ୍ରଙ୍କୁ ମିଳୁଥିବା ମାଗଣା ପୋଷାକରେ ଦୁର୍ନିତୀ ଗନ୍ଧ ଭଣ ଭଣ ହୋଇ ଗନ୍ଧେଇଲାଣି । ଏ କଥା ଆମେ ମନ ଗଢା କରି କହୁନାହୁଁ । ଏହା ସରକାରଙ୍କ ସୂଚନା ଅଧିକାର ଆଇନ ଦ୍ୱାରା ପ୍ରଦତ ତଥ୍ୟ କହୁଅଛି ।ଚଂଚକତାର ସହିତ ଛାତ୍ରୀ/ଛାତ୍ରମାନଙ୍କ ପୋଷାକ କିଣାରେ ମା ତାରେଣୀ ଇଂଟରପ୍ରାଇଜ୍ ସଂସ୍ଥା ନାମରେଗୋଟିଏ ଇନ୍ ଭଏସ୍ ୧୪୦ ନମ୍ବରରେ ତିନୋଟି ରସିଦ୍ କରାଯାଇ,୩ଟି ବିଦ୍ୟାଳୟକୁ ପୋଷାକ ବିକ୍ରି କରାଯାଇଛି । ସବୁଠାରୁ ଦୁଃଖର କଥା, ସର୍ବ ଶିକ୍ଷା ଅଭିଯାନରେ ରାଜ୍ୟ ସରକାରଙ୍କ ଓଡିଶା ବିଦ୍ୟାଳୟ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ ତରଫରୁ ସମସ୍ତ ସରକାରୀ ବିଦ୍ୟାଳୟର ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ପ୍ରତ୍ୟେକ ଛାତ୍ର/ଛାତ୍ରୀନିମନ୍ତେ ୪୦୦ ଟଙ୍କା ମୂଲ୍ୟରେ ୨ ହଳ ପୋଷାକ,୨୦୦ ଟଙ୍କା ମୂଲ୍ୟରେ ୧ହଳ ଜୋତା ଓ ୨ ହଳ ମୋଜା ଭାବରେ ୬୦୦ ଟଙ୍କା ସ୍ଥିରୀକୃତ ହୋଇଥିବା ସ୍ଥଳେ, ବିଦ୍ୟାଳୟର ପ୍ରଧାନଶିକ୍ଷକ ଅତି ନିମ୍ନମାନର ପୋଷାକ ବଂଟନ କରୁଛନ୍ତି । ବଂଟନ କରାଯାଉଥିବା ପୋଷାକ ବଜାରରେ ପ୍ରାୟ୧୨୦ ଟଙ୍କା ମୂଲ୍ୟରେ ୧ ଟି ଫ୍ରକର ମୂଲ୍ୟ ୧୨୦ ଟଙ୍କା,୧ ହଳ ପ୍ୟାଂଟ୍ ସାର୍ଟର ମୂଲ୍ୟ ଟ୧୪୦.୦୦,ଏକ ହଳ ଚୁଡିଦାରର ମୂଲ୍ୟ ୧୫୦.୦୦,ଏକ ହଳ ଜୋତା ଓ ୨ ହଳ ମୋଜାର ମୂଲ୍ୟ ଟ୧୬୦.୦୦ଙ୍କା ଥିବା ବେଳେ,ବିଭାଗୀୟ ଅଧିକାରୀ ଏହାକୁ ପ୍ରତ୍ୟେକ ଟ୨୦୦.୦୦ରେ ବିକ୍ରି କରି ବାକି ଅର୍ଥ ହରିଲୁଟ୍ କରୁଛନ୍ତି ।ପ୍ରାୟ ୫,୦୦୦ ଅଧିକ ପୋଷାକ ଓ ଜୋତା ରାଶି ଜମା ଜମା ହୋଇଥିବା ବିଦ୍ୟାଳୟ ଯୋଗାଣ ସଂସ୍ଥାକୁ ସଂସ୍ଥା ନାମରେ ଚେକ୍ ଭାବରେ ଦେୟ ପ୍ରଦାନ ବ୍ୟବସ୍ଥା ଥିବା ବେଳେ କେତେକ ବିଦ୍ୟାଳୟ ଏହି ନିୟମରେ ବ୍ୟତିକ୍ରମ ହୋଇଛି । ଯାହାଦ୍ୱାରା ଜି.ଏସ୍.ଟି ବାବଦ ୫% ଟିକସହାନୀ ଘଟିଛି । ଯାହାଫଳରେ କଟକ ଜିଲ୍ଲାରେ ସର୍ବ ଶିକ୍ଷା ଅଭିଯାନର ପୋଷାକ ଯୋଗାଣରେ ବ୍ୟାପକ ଅନିୟମିତତା,ଯୋଗାଣସଂସ୍ଥା ଓ ବିଦ୍ୟାଳୟର କତୃପକ୍ଷଙ୍କ ମଧୁଚନ୍ଦ୍ରିକାରେ ନିମ୍ନମାନର ପୋଷାକ ଯୋଗାଣ ଓପୋଷାକ ରସିଦରେ ଜାଲିଆତି ନେଇ ଉଚ୍ଚସ୍ତରୀୟ ତଦନ୍ତ ଦାବୀ କରାଯାଇ,ଆଜି ଓଡିଶା ସୂଚନା ଅଧିକାର ଅଭିଯାନ,କଟକ ଜିଲ୍ଲା ତରଫରୁ ଜିଲ୍ଲାପାଳ,କଟକଙ୍କ କାର୍ଯୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ପରେ ପରେ ପୋଷାକ ଯୋଗାଣରେ ବ୍ୟାପକ ଅନିୟମିତତା,ଯୋଗାଣସଂସ୍ଥା ଓ ବିଦ୍ୟାଳୟର କତୃପକ୍ଷଙ୍କ ମଧୁଚନ୍ଦ୍ରିକାରେ ନିମ୍ନମାନର ପୋଷାକ ଯୋଗାଣ ଓ ପୋଷାକ ରସିଦରେ ଜାଲିଆତି ଡେପୁଟି କଲେକ୍ଟର(ଜୁଡିସିଆଲ୍) ପ୍ରିୟଦର୍ଶିନୀ ଜେନାଙ୍କ ସହିତ ଆଲୋଚନା କରାଯାଇ ଉଚ୍ଚ ସ୍ତରୀୟ ଦାବୀରେ ରାଜ୍ୟ ପ୍ରକଳ୍ପ ନିର୍ଦ୍ଦେଶକ, ଭୁପେନ୍ଦ୍ର ସିଂ ପୁନିଆ,ଓପେପାକୁ ଦାବୀପତ୍ର ପ୍ରଦାନ କରାଯାଇଥିଲା ।
No comments:
Post a Comment
ହୃଦୟର ଶରଧା ସହିତ...........