ଶୂନ୍ୟତା ନଥିଲେ ଅନୁଭବରେ ମଜା କାହିଁ ? ଜୀବନରେ ଶୂନ୍ୟତା ନଥିଲେ ବଂଚିବାରେ ମଜା ନାହିଁ । ତଥାପି ବଂଚିବାକୁ ହେଲେ,ଅସଜଡା "ଜୀବନ ରେଖା"କୁ କବିତାରେ ସଜାଡି ହେବ । ମୋର ଏହି କବିତା ପାଠ ପୂର୍ବକ ପ୍ରଦାନ କରିବାକୁ ଅନୁରୋଧ ।
ଜୀବନ ଯୁଦ୍ଧରେ ପରାଜିତ ଆଜି
ଫେରିଯାଏ ଖାଲି ହାତେ ।
ହିସାବ ରଖିନି ଜିତିଛି ମୁଁ କେତେ,
ହାରିଛି ମୁଁ ଆଜି କେତେ ।
ନିଜେ ମୁଁ ଜଳଛି ଆଲୋକ ଦେଇଛି
ବୁଝିନି ପୁଣ୍ୟ କି ପାପ ।
ତେଲ ସରିଲାଣି, କେମିତି ମାପିବି
ଜୀବନର ମାଟିଦୀପ । ।
ଜୀବନ ଆକାଶେ ବେଳ ରତ ରତ
ସଞ୍ଜ ଆସେ ନଇଁ ନଇଁ ।
ମଶାଣି ଭୂଇଁରେ ଜୀବନ ସଜଡା,
ମୋହ ଲାଗେ କାହା ପାଇଁ ?
ଜୀବନର ରଙ୍ଗ,କବିତାର ରେଙ୍ଗ,
ତଥାପି ଜୀବନ ଫିକା ।
ଜୀବନ ସରିଲେ,ଜୀବନ କବିତା
ହୋଇଯାଏ ଅଧା ଲେଖା । ।
No comments:
Post a Comment
ହୃଦୟର ଶରଧା ସହିତ...........