( IYA NEWS)ଏଇ ହେଉଛି ଆମର ଭାରତ ବର୍ଷ । ଯେଉଁଠି ଆମେ ସୀତା ଅହଲ୍ୟାଙ୍କୁ
ନେଇ ଗର୍ବ କରୁ । ହେଲେ ଏଠି ଗରିବ ମହିଳା ଲୁହ ଲହୁରେ ସନ୍ତୁଳି ହୋଇ ମରେ । କେବେ କେବେ ଭୋକ ଉପାସରେ ବାଟରେ ବି ଟଳି ପଡେ । କଥାରେ ଅଛି ପରା ଗରିବ ମାଇପ ସବୁରୀ ଶାଳୀ । ସତରେ ସତୀ ସ୍ବାଧୀମାନଙ୍କ ଭାରତ ବର୍ଷରେ କୋଟି କୋଟି ଟଙ୍କାର ମନ୍ଦିର ପ୍ରାସାଦ ତିଆରି ହୋଇଥିବା ବେଳେ, ଗତ କାଲି ମୁଜାଫର ରେଲ ଷ୍ଟେସନରେ ଏପରି ହୃଦୟ ବିଦାରକ ଦୃଶ୍ୟ, ସମଗ୍ର ଭାରତ ବର୍ଷ ପାଇଁ ଅତ୍ୟନ୍ତ ଲଜ୍ଜା ଜନକ । ଏହି ଷ୍ଟେସନର ପ୍ଲାଟ ଫର୍ମରେ ତିନି ଦିନ ଟ୍ରେନରେ ଯାତ୍ରା କଲା ପରେ, ଭୋକ ଉପାସରେ ଏଠି ଟଳି ପଡିବା ସତରେ ଆଖିରେ ଲୁହ ଆସି ଯାଉଛି । ମାଆଟି ମରି ପଡିଥିବା ସମୟରେ, ବରଷକର ନିରୀହ ଶିଶୁଟି ଚାଦର ଖସାଇ, ଉଠାଇବା ପାଇଁ ଲାଗି ପଡିଛି । ଧନ୍ୟ କହିବ ଆମର ସମାଜକୁ । ଧିକ୍ ମଣିଷପଣିଆକୁ । ଯଦି ପୁର୍ନଜନ୍ମ ଥାଏ, ଆଉ ଥରେ ମଣିଷ ଜନମ ନେବା ପାଇଁ ମୋର ଇଚା ନାହିଁ । ତେବେ ମୋର କବିତାଟିକୁ ପାଠ କରି ମତାମତ ଦେବେ ବୋଲି ମୋର ଆଶା । ।
ଊଠୁରେ ମାଆ, ଉଠୁ,ଶୋଇଛୁ ତୁ କାହିଁ, ଯିବା ଆମ ଘର;
ପେଟ ଜଳେ ହୁତୁ ହୁତୁ , ପେଟ ଜଳେ ହୁତୁ ହୁତୁ । ।
ତିନି ଦିନ ହେଲା କିଛି ତ ଖାଇନୁ,
ପାଣି ମୁନ୍ଦେ କେବେ ମିଳେ ନ ମିଳେ ।
ଦାଦନ ଜୀବନ, ଭାରି ହିନୀମାନ;
ପେଟରେ କରଡି କାହିଁକି ଜଳେ ?
କାମ ତ ସରିଲା, ପଇସାଟେ ନାହିଁ,
ଫେରିଯିବା ଆମ ଭିଟା ମାଟିକୁ ।
ଜନମିଛୁ ସେଠି, ମରିବୁ ସେଇଠି;
ଆମ ଗୁହାରୀ ,କରିବୁ କାହାକୁ ?
ଦାଦନର ଛୁଆ, ଅଟୁ ଅଚାବୁଆ;
ଉଠିବ କେବେ ମୋ, ମାଆ ଶୋଇଛି?
ଶୁଖି ଯାଏ ତଂଟି, କୋରି ହୁଏ ଛାତି;
ଉଠୁ ଲୋ ମାଆ, ଦେ ଆଉଁସି । ।
ଦି ଘଡି ହେଲାଣି, ମୁଣ୍ଡ ଫଟା ଖରା;
ଶୋଇ ପଡିଛୁ କି ତୁ ଖଟି ଖଟି ।
କେବେ ତୁ ଉଠିବୁ, ଗେଲ ତୁ କରିବୁ ।
କୁନି ଛୁଆ ତୋର ବୁଲୁଛି ଏଠି । ।
ନାଇଁ ବାଲି ମିଶ୍ରି, ନାଇଁ ଖୁଦ ଚୂଡା;
ତୋ ଥନରୁ ମୋତେ ବୁନ୍ଦାଏ ଦେ ।
ପାଦ ଟଳମଳ, ନିଦ ଆସିଲାଣି
ତୋ କୋଳରେ ଟିକେ ଶୁଆଇ ଦେ । ।
ନିରୀହ ସରଳ,କୁନି ବାଳୁତ ସେ,
ଜାଣେ ନା, ତା ମାଆ ମରି ଯାଇଛି ।
ଫେରିବନି କେବେ, ଆସିବନି କେବେ
ଅଫେରା ରାଇଜେ ଚାଲି ଯାଇଛି । ।
IYA NEWS ( Visit Us :- www.iyanews.com ) / ( Like Us : - Indian Youth Association - IYA News ) #ସାଧାରଣ_ଜନତାଙ୍କ_ସ୍ୱର
ଭୁଲିବନି କେବେ ମୋତେ,ପୁଣି ତୁମରି ଅପେକ୍ଷାରେ...
ଲୁହ ଆସିଗଲା । ଦୁଃଖଦ ଘଟଣା ।
ReplyDeleteShame on us .... Govt. Forgot article 19-21
ReplyDeleteThis comment has been removed by the author.
ReplyDeleteThis comment has been removed by the author.
ReplyDelete