ଆପଣଙ୍କର ଆଶୀର୍ବାଦ ଏବଂ ଶୁଭ କାମନା ମୋର ବଂଚିବା ପାଇଁ ଏକ ଅନ୍ୟନ ସଂଜିବନୀ । ଆଜି ବୟସର ଖାତାରେ ଆଉ ଗୋଟେ ଫର୍ଦ୍ଦ ଯୋଡି ହୋଇଗଲା । ପୁଣି ଜୀବନ ଯାତ୍ରାର ଅନ୍ୟ ଏକ ଅୟମାରମ୍ଭ । ପୁଣି ଏ ଅଧମ ଆପଣଙ୍କର ଆଶୀଷ ଏବଂ ଶୁଭ କାମନାକୁ ପାଥେୟ କରି ଆଗେଇବ ଏକ ନୂତନ ଆଶା,ସମ୍ଭାବନାରେ । ତେବେ ଆଜି ମୋର ଜନ୍ମ ଦିବସରେ ଆପଣଙ୍କର ଆଶୀର୍ବାଦକୁ କାମନା କରି, ଆପଣଙ୍କର ଶୁଭ କାମନା ମନାସି ଏକ କବିତା ଅର୍ପଣ କରୁଛି । ପାଠ କରିବେ । ମତାମତ ଦେବା ପାଇଁ ଅନୁରୋଧ । ଏତଦ୍ ବ୍ୟତୀତ ଆଜି ଚାରି ମାସର ଲଢେଇ ପରେ ଏକ ରାସନ କାର୍ଡ ପରିପ୍ରେକ୍ଷୀରେ ଏକ ସ୍ବାମୀ ପରିତ୍ୟକ୍ତାକୁ ନ୍ୟାୟ ମିଳିଛି, ଯାହା ମୋ ପାଇଁ ଅତ୍ୟନ୍ତ ସ୍ମରଣୀୟ । ଶେଷରେ ପ୍ରଣାମ ।ଜୀବନେ ମରଣେ ତୁମେ,
ରହିଅଛ କୋଟି ପ୍ରାଣେ.
ଚାତକିନୀ ଚାହିଁଛି ତୁମକୁ;
ଦେଖା ଦିଅ ପ୍ରିୟତମ, ଚିନ୍ମୟ ଅନୁପମ.
ନ ହେଲେ ମୁଁ ଜନମିବି, ଆର ଜନମକୁ । ।
ଲହୁ ଲୁହ ପିଇ ପିଇ,
କେମିତି ପାରିବି ଜୀଇଁ;
ଏ ଜୀବନ ଲାଗେ ଶୂନ୍ୟ ଶୂନ୍ୟ ;
ସଂସାରର ଦାବାନଳ, ପ୍ରାଣ ହୁଅଇ ଅଧିର ।
ପ୍ରେମମୟ, ସିଂଚିଦିଅ ତବ ଦିବ୍ୟ ପ୍ରେମ । ।
ଅଜ୍ଞାନ ଭବ ସାଗର,
ହରାଇଛି ଥଳ କୂଳ,
ତ୍ରିତାପ ଅନଳ; ଦହେ ୟେ ଭବକୁ;
ଅସତୋ ମା ସଦ୍ ଗମୟ, ଆହେ ତୁମେ କ୍ଷମାମୟ.
ଦୁଃଖ,ଶୋକ କରି ନାଶ,ଦୂର କର ଭବ ଯାତନାକୁ । ।
No comments:
Post a Comment
ହୃଦୟର ଶରଧା ସହିତ...........