ନେତକୁଣ୍ଡି ବଙ୍ଗାଳୀ ମଶାଣିରେ ତନ୍ତ୍ର ପୂଜା: ଲେମ୍ବୁ/ଅଣ୍ଡା ବଳି

IYA NEWS(କଂଟାପଡା) ତା:୨୭/୦୬/୨୦୨୦ରିଖ କଂଟାପଡା ବ୍ଲକ ଅଧିନସ୍ଥ ବ୍ରାହ୍ମଣ ସାଇଲୋ ଗ୍ରାମ ପଂଚାୟତ, ନେତକୁଣ୍ଡି ଗ୍ରାମର ବଙ୍ଗାଳୀ ମଶାଣି ନିକଟରେ ଏକ ତନ୍ତ୍ର ପୂଜା ଚାଲିଥିବାର, ଲୋକମାନେ ପ୍ରକାଶ କରିଛନ୍ତି । ପ୍ରତ୍ୟକ୍ଷଦର୍ଶୀମାନଙ୍କ କହିବା ଅନୁଯାୟୀ, ଗତ କାଲି ରାତି ୧୧ଟା ସୁଦ୍ଧା  ବଙ୍ଗାଳୀ ମଶାଣି ନିକଟରେ କୃଷକମାନେପାଣି ମଡାଉଥିଲେ  । ଏହି ବିଳମ୍ବିତ ପ୍ରହରରେ,  ଉକ୍ତ ମଶାଣୀ ଠାରେ ଏକ ଦୀପ ଜଳୁଥିବାର ଦେଖିଥିଲେ । ଉକ୍ତ ଦୀପାଲୋକ ନିକଟରେ ଶତାଧିକ ଲୋକମାନେ,ପହଂଚିବା ପରେ ,ପୂଜା କରୁଥିବା ବ୍ୟକ୍ତି ଜଣକ ପଳାଇ ଯାଇଥିବା ବେଳେ, ନିକଟରେ  ଲିଭିଯାଇଥିବା ଦୀପ, ଏକ ଦୁର୍ଘା ଘିଅ ଜରି, ସାଟୋଟି କଟା ଲେମ୍ବୁ ଏବଂ ଚତୁର୍ଦ୍ଦିଗକୁ ଫିଙ୍ଗା ଯାଇଥିବା ସାତୋଟି ଭଙ୍ଗା ଅଣ୍ଡା ପଡିରହିଥିଲା । ତେବେ ଏହି ଘଟଣା ସହିତ ଗୁଣି ଗାରେଡି ସହିତ ସଂପୃକ୍ତ ଥିବାରୁ , ଭବିଷ୍ୟତରେ  କୌଣସି ଏକ ଅଘଟଣକୁ  ଏଡାଇ ଦିଆ ଯାଇ ନ ପାରେ ବୋଲି ଲୋକମାନେ ପ୍ରକାଶ କରିଛନ୍ତି ।  ଏହି ଘଟଣା ପରପ୍ରେକ୍ଷୀରେ ଲୋକମାନେ ଆତଙ୍କିତ ଥିବା ସମୟରେ, ପୋଲିସ ପେଟୋ୍ରଲିଂ ପାଇଁ ଦାବୀ ହେଉଛି । ବିଶେଷ କରି   ଏହି ଅଂଚଳର ନିକଟବର୍ତୀ ଇଲାକାରେ ଧଳା ଜହର ମାଫିଆଙ୍କ ପାର୍ଦୁଭାବ ବୃଦ୍ଧି ପାଉଥିବା ସମୟରେ,ପୋଲିସ ପ୍ରଶାସନ ବିହିତ ପଦକ୍ଷେପ ଗ୍ରହଣ କରିବା ପାଇଁ ବୁଦ୍ଧିଜିବୀମାନେ ମତ ବ୍ୟକ୍ତ କରିଛନ୍ତି ।

ଭୁଲିବନି କେବେ ମୋତେ,ପୁଣି ତୁମରି ଅପେକ୍ଷାରେ...