IYA NEWS (କଂଟାପଡା)ତା ୦୯/୦୬/୨୦୨୦ରିଖ ଆଜି ଗୋବିନ୍ଦପୁର ଥାନା ଅନ୍ତର୍ଗତ ସୁଦୁ ସାଇଲୋ ଭୋଇ ସାହିର ବ୍ରଜ କିଶୋର ଭୋଇ (୪୮ ବର୍ଷ) ଓରଫ କାଳିଆଙ୍କର ମୃତ ଦେହ ଭୋର୍ ପ୍ରାୟ ଚାରି ଘଟିକା ସମୟରେ ଜନୈକ ବ୍ୟକ୍ତିଙ୍କ ଘର ନିକଟରୁ ଉଦ୍ଧାର କରାଯାଇଛି । ପ୍ରକାଶ୍ୟ ଯେ ମୃତକ ବ୍ରଜ କିଶୋର ଜଣେ ଦଳିତ ସଂପ୍ରଦାୟର ପେଶାରେ ରାଜ ମିସ୍ତ୍ରୀ ଥିଲେ ।ବେଳେ ବେଳେ ନଇ ମାଛ ଧରିଥାନ୍ତି । ତେବେ ଘଟଣା ଦିନ ମୃତକ ବ୍ରଜ କିଶୋର ଖାଇ ସାରି ଶୋଇବା ପାଇଁ ଯାଇଥିଲେ । ତେବେ ସେ ରାତ୍ରର ବିଳମ୍ବିତ ପ୍ରହରରେ ବାହାରକୁ ଯିବା ପରେ ସେ ଆଉ ଘରକୁ ଫେରି ନ ଥିଲେ । ଅଭିଯୋଗ କ୍ରମେ ବିଳମ୍ବିତ ପ୍ରହରରେ ବହୁତ ଖୋଜା ଖୋଜି କଲା ପରେ, ମୃତକ ବ୍ରଜ କିଶୋର ଭୋଇଙ୍କ ମୃତ ଦେହ ନିକଟସ୍ଥ ବିଶ୍ୱମ୍ଭର ଭୋଇଙ୍କ ଚଉରା ନିକଟରେ ପଡି ରହିଥିଲା । ତାଙ୍କର ଶରୀର ବର୍ହିଭାଗରେ କିଛି ଆଘାତ ନ ଥିଲେ ଦେଖା ଯାଉ ନଥିଲେ ମଧ୍ୟ, କିଛି ପ୍ରତ୍ୟକ୍ଷଦଶୀଙ୍କ କହିବା ଅନୁଯାୟୀ ନାକ ଅଗ୍ରଭାଗ ଫୁଲିଥିଲା । ଘଟଣା ସ୍ଥଳରେ ଗୋବିନ୍ଦପୁର ଥାନାଧିକାରୀ ସୁବାସ ଚନ୍ଦ୍ର ପଣ୍ଡା, ଗୋବିନ୍ଦପୁର ଥାନାଧିକାରୀ ମାନସ କୁମାର ମିଶ୍ର, ଏବଂ ସାଇଂଟିଫିକ୍ ଟିମ୍ ପହଂଚି ଛାନ ଭିନ୍ କରିଥିଲେ ମଧ୍ୟ ହତ୍ୟାକାଣ୍ଡର କୌଣସି ସୁରାକ୍ ମିଳି ନ ଥିଲା । ପ୍ରକାଶ୍ୟ ଯେ, କିଛି ଦିନ ପୂର୍ବରୁ ନଳ କୂପ ପାଣି ନିଷ୍କାସନ, ଏବଂ ସରକାରୀ ସ୍ଥାନକୁ ନେଇ ମୃତକଙ୍କର ନିକଟରେ ଥିବା ପଡୋଶୀଙ୍କ ସହିତ ଝଗଡା ହୋଇଥିଲା ଏବଂ ଆଇନର ଲଢେଇ ପର୍ଯ୍ୟନ୍ତ କଥା ଯାଇଥିଲା । ତେବେ ପାରିପାଶ୍ୱିର୍କ ଦୃଷ୍ଟିରୁ ମୃତୁୂ୍ୟର କାରଣ ଅସ୍ପଷ୍ଟ ଥିଲେ ମଧ୍ୟ ଶବ ବ୍ୟବଛେଦ ପରେ ଏହାର ସତ୍ୟାସତ୍ୟ ଜଣା ପଡିବ ବୋଲି ପୋଲିସ ପ୍ରଶାସନ ଅପେକ୍ଷା କରିଛି ।
No comments:
Post a Comment
ହୃଦୟର ଶରଧା ସହିତ...........