IYA NEWSଖବରର ମହା ପ୍ରଭାବ, ସ୍ଥାନାନ୍ତରିତ ହେଲା ଅଡଶପୁର ହାଟ
IYA NEWS (କଂଟାପଡା) ତା:୦୩/୦୪/୨୦୨୦: ମହାମାରୀ କରୋନା ସାରା ବିଶ୍ୱକୁ କବଳିତ କରି ସାରି ଥିଲା ସମୟରେ, ଜନ ସାଧାରଣ ନାହିଁ ନ ଥିବା ଦୁର୍ଦ୍ଦଶାର ସମ୍ମୁଖୀନ ହେଉଛନ୍ତି । ଏହାର ନିରାକରଣ ପାଇଁ ଔଷଧ ବାହାରି ନ ଥିବା ବେଳେ ସଙ୍ଗ ରୋଧ ହିଁ ଏକ ମାତ୍ର ବିକଳ୍ପର ରାସ୍ତା ଅଟେ । ତେବେ ଅନେକ ସ୍ଥାନରେ ଜନ ସଚେତନା ଅଭାବ ରହିଛି । ଏହି ପରିପ୍ରେକ୍ଷୀରେ କରୋନା ପାଇଁ ବିଗତ କିଛି ଦିନ ପୂର୍ବେ କଂଟାପଡା ବ୍ଲକ୍ ସ୍ଥିତ ଅଡଶପୁର ହାଟକୁ ସାମୟିକ ପାଇଁ ସ୍ଥଗିତ କରି ଥିଲେ ମଧ୍ୟ ଏହାର ସାପ୍ତାହିକୀ ହାଟ ପାଳିରେ ଅସ୍ଥାୟୀ ଭାବରେ ରାସ୍ତାର ଉଭୟ ପାଶ୍ୱର୍ରେ ହାଟ ବସୁଥିଲା । ଯାହା ଫଳରେ ଏଠାରେ ଦେଢ ହଜାରରୁ ଅଧି ଜନ ଗହଳି ହେବା ସହିତ ଦେହକୁ ଦେହ ସ୍ପର୍ଶ କରିବା ଭଳି ପରିସ୍ଥିତି ସୃଷ୍ଟି ହୋଇଥିଲା । ତେବେ ଏ ସଂପର୍କରେ ଭାରତୀୟ ଯୁବ ସଂଗଠନର ଖବର ପୃଷ୍ଠାରେ ବାରମ୍ବାର ଖବର ପ୍ରକାଶ ପାଇଥିଲା । ଏପରିକି ଓଲଟପୁର ପୋଲିସର ବାରମ୍ବାର ତାଗିଦ୍ ହେଲା ପରେ ବି ଚାଷୀ ଏବଂ ଖାଉଟୀମାନେ ମଧ୍ୟ ସୁଧୁରି ନ ଥିଲେ । ପରିଶେଷରେ ଭାରତୀୟ ଯୁବ ସଂଗଠନର ସମ୍ବାଦଦାତା ତଥା ସାମାଜିକକର୍ମୀ ମାଧବାନନ୍ଦ ଭୋଇ, ବିଜୟ କୁମାର ଭୋଇ ଏବଂ ହେମନ୍ତ କୁମାର ସ୍ବାଇଁଙ୍କ ଉଦ୍ୟମ କ୍ରମେ ଗତ ତା:୩୦/୦୩/୨୦ରିଖ ହାଟ ପାଳିରେ ଅଡଶପୁର ଅସ୍ଥାୟୀ ହାଟକୁ ସ୍ଥାନାନ୍ତରଣ ପାଇଁ ଚାଷୀମାନଙ୍କ ଠାରୁ ଦସ୍ତଖତ ଅଭିଯାନ ଆରମ୍ଭ ହୋଇଥିଲା ଏବଂ ତା:୩୧/୦୩/୨୦ରିଖ ଦିନ ଅତିରିକ୍ତ ତହସିଲଦାରଙ୍କ ଜରିଆରେ ତହସିଲଦାରଙ୍କୁ ପ୍ରଦାନ କରା ଯାଇଥିଲା । ପରିଶେଷରେ ସାପ୍ତାହିକୀ ହାଟର ସତ୍ୱାଧିକାରୀ ମାଧବାନନ୍ଦ ଜୀୟୁ ମଠ କମିଟିର ସହଯୋଗ କ୍ରମେ, ମଠର ପଛ ପାଶ୍ୱର୍କୁ ସ୍ଥାନାନ୍ତରଣ କରାଯିବା ପାଇଁ ପ୍ରସ୍ତାବ ପ୍ରଦାନ କରାଯାଇଥିଲା । ଏହି ପରିପ୍ରେକ୍ଷୀରେ ଓଲଟପୁର ଥାନା, କଂଟାପଡା ତହସିଲ ଏବଂ ମାଧବାନନ୍ଦ ଜୀୟୁ ମଠ କମିଟି ସମ୍ମିଳିତ ଆଲୋଚନା କ୍ରମେ ମହାମାରୀ କରୋନା ପାଇଁ ସପ୍ତାହକୁ ଥରେ ହାଟ କରିବା ପାଇଁ, କଂଟାପଡା ତହସିଲଦାରଙ୍କ ଚିଠି ନଂ:୬୯୨ / ତା:୦୧.୦୪.୨୦ନିର୍ଦ୍ଦେଶ କ୍ରମେ ଓଲଟପୁର ଥାନା ଅଧିନସ୍ଥ ସଂପାଦକ, ଅଡଶପୁର ହାଟ କମିଟି ଏବଂ ସରପଂଚ, ଅଡଶପୁର ଗ୍ରାମ ପଂଚାୟତକୁ ଅବଗତ କରା ଯାଇଥିଲା । ଏତ୍ଦ ବ୍ୟତୀତ କରୋନା ପାଇଁ ସଂପାଦକ, ସୁନ୍ଦରଗ୍ରାମ ହାଟ କମିଟି ଏବଂ ସରପଂଚ, ବାଗଲପୁର ଗ୍ରାମ ପଂଚାୟତକୁ ମଧ୍ୟ ସମାନ ନିର୍ଦ୍ଦେଶ ଦିଆଯାଇଥିଲା । ତେବେ ହାଟରେ ଯେପରି ସାମାଜିକ ଦୂରତା ବଜାୟ ରହିବ, ସେଥିପାଇଁ କଂଟାପଡା ତହସିଲଦାର ଉଭୟ ଗ୍ରାମ ପଂଚାୟତର ସରପଂଚ ଏବଂ ଆଇ.ଆଇ.ସି. ଓଲଟପୁର ଥାନକୁ ମଧ୍ୟ ଉକ୍ତ ଚିଠି ମାଧ୍ୟମରେ ଅବଗତ କରା ଯାଇଛି । ତେବେ ଗତ ଶୁକ୍ରବାର ଦିନ ହାଟଟି ମାଧବାନନ୍ଦ ଜୀୟୁର ପଛ ପାଶ୍ୱର୍ରେ ଅତ୍ୟନ୍ତ ଶୃଙ୍ଖଳାର ସହିତ ସମାପନ କରା ଯାଇଥିଲା । ଏପରି ପଦକ୍ଷେପକୁ ବୁଦ୍ଧିଜିବୀ ମହଲରେ ସ୍ବାଗତ କରାଯିବା ସହିତ ସାମାଜିକ ଦୂରତାକୁ ବଜାୟ ରଖିଲେ ଆମେ କରୋନାକୁ ମୁକାବିଲା କରିପାରିବା ବୋଲି ବୁଦ୍ଧିଜିବୀମାନେ ମତ ବ୍ୟକ୍ତ କରିଚନ୍ତି ।
ଭୁଲିବନି କେବେ ମୋତେ,ପୁଣି ତୁମରି ଅପେକ୍ଷାରେ...
(କଂଟାପଡା) ତା:୧୨/୦୪/୨୦ କଂଟାପଡା ବ୍ଲକ୍ ଅନ୍ତର୍ଗତ ଉଦୟନାଥ ସ୍ବୟଂ ଶାସିତ ବିଜ୍ଞାନ ଏବଂ ବୈଷୟିକ ମହାବିଦ୍ୟାଳୟ ଆନୁକୁଲ୍ୟରେ ଏମ୍.ଏସ. ଡବ୍ଲୁ. ଛାତ୍ର ସଂଗଠନ ତରଫରୁ ମହାମାରୀ କରୋନା ପାଇଁ ପ୍ରଥମ କରୋନା ସଚେତନତା ଏବଂ ରିଲିଫ ବଂଟନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଏହି ପରିପ୍ରେକ୍ଷୀରେ ସଂଗଠନ ତରଫରୁ ଦିବ୍ୟସିଂହ ସେଠୀଙ୍କ ତତ୍ୱାବଧାନରେ ଅସହାୟ ଜନ ସାଧାରଣମାନଙ୍କୁ ଶୁଖିଲା ଖାଦ୍ୟ ଯଥା ଚୂଡା, ବିସ୍କୁଟ୍, ଆଳୁ ଓ ହାତ ଧୋଇବା ପାଇଁ ସାବୁନ ବଂଟନ ସହ କରୋନା ସମ୍ପର୍କିତ ସଚେତନତା ଓ ସରକାରୀ ସ୍ତରରେ ବିଭିନ୍ନ ଅନୁଦାନ ସଂପର୍କରେ ଅବଗତ କରା ଯାଇଥିଲା । ଏତଦ୍ ବ୍ୟତୀତ ସୁଷମ ଖାଦ୍ୟ ଭୋଜନ କରିବା ସହିତ ସାମାଜିକ ଦୂରତା ମଧ୍ୟ ରକ୍ଷା କରିବା ପାଇଁ ମୁଣ୍ଡାସାହି ଅଧିବାସୀମାନଙ୍କୁ ଅବଗତ କରାଯାଇଥିଲା । ଏହି କାର୍ଯ୍ୟକ୍ରମରେ କୋଡିଏରୁ ଅଧ୍ଚଳ ପରିବାରକୁ ସାମିଲ୍ କରାଯାଇଥିଲା । ସଂଗଠନର ମୁଖପାତ୍ର ଯଯାତି କେଶରୀ ସାହୁ ଭବିଷ୍ୟତରେ ରିଲିଫ୍ କାର୍ଯ୍ୟକୁ ତ୍ୱରାନ୍ୱିତ କରିବା ପାଇଁ ସହଯୋଗର ହାତ ବଢାଇବା ପାଇଁ ଅନୁରୋଧ କରିଛନ୍ତି ।
