ଅଁଳୋ ଗ୍ରାମ ପଂଚାୟତରେ ଅସହାୟମାନଙ୍କୁ ରନ୍ଧନ ଖାଦ୍ୟ ବଂଟନ
ଭୁଲିବନି କେବେ ମୋତେ,ପୁଣି ତୁମରି ଅପେକ୍ଷାରେ...
IYANEWS(ନିଆଳୀ):ତା:୦୧/୦୪/୨୦: ମହାମାରୀ କରୋନା ପ୍ରକୋପରେ ଆଜି ସାରା ଭାରତ ବର୍ଷ ଲକ ଡାଉନ୍ । ଯାହାଫଳରେ ଅନେକ ଅସହାୟ ବ୍ୟକ୍ତିମାନେ ଖାଦ୍ୟ ବିନା ଭୋକରେ ଆଉଟୁ ପାଉଟୁ ହେଉଛନ୍ତି । ଏହି ପରିପ୍ରେକ୍ଷୀରେ ନିଆଳୀ ବ୍ଲକ ଅନ୍ତର୍ଗତ ଅଂଳୋ ଗ୍ରାମ ପଂଚାୟତରେ ଗ୍ରାମେଶ୍ୱର ସ୍ବୟଂ ସହାୟକ ଗୋଷ୍ଠୀ ମାଧ୍ୟମରେ ବିଭିନ୍ନ ଅସହାୟ ବ୍ୟକ୍ତିମାନଙ୍କୁ ରନ୍ଧନ ଖାଦ୍ୟ ବଂଟନ କରାଯାଇଥିଲା । ତେବେ ଛଟିଶଗଡର ମହାସାମୁ, ନୂଆପଡା , ନୟାଗଡରୁ ଆସିଥିବା ଶ୍ରମିକମାନଙ୍କୁ ଏବଂ ଅଁଳୋ ପଂଚାୟତ ଅନ୍ତର୍ଗତ ବିଭିନ୍ନ ଅସହାୟ ବ୍ୟକ୍ତିମାନଙ୍କୁ ରନ୍ଧନ ଖାଦ୍ୟ ବଂଟନ କରା ଯାଇଥିଲା । ତେବେ ରନ୍ଧନ ଖାଦ୍ୟ ଭାବରେ ଭାତ,ଡାଲମା, ଖଟା ଭାବରେ ଅସହାୟମାନଙ୍କୁ ଦିନକୁ ଦୁଇ ବେଳା ବଂଟନ କରାଯିବ ବୋଲି,ଅଂଳୋ ଗ୍ରାମ ପଂଚାୟତର ସରପଂଚ ଅଭିରାମ ସାମଲ ମତ ବ୍ୟକ୍ତ କରିଥିଲେ । ଉକ୍ତ କାର୍ଯ୍ୟକ୍ରମକୁ ଗ୍ରାମେଶ୍ୱର ସ୍ବୟଂ ସହାୟକ ଗୋଷ୍ଠୀର ସଭାପତି ବିନୋଦିନୀ ମିଶ୍ର, ସଂପାଦିକା ରୁନୁବାଳା ମିଶ୍ର, ସୁକାନ୍ତି ମିଶ୍ର, ସୁଲୋଚନା ମିଶ୍ର, ସ୍ବରୁପା ମିଶ୍ର, ମିନାକ୍ଷୀ ମିଶ୍ର ଏବଂ ପାର୍ବତୀ ମିଶ୍ର ପ୍ରମୁଖ ପରିଚାଳନା କରିଥିଲେ । ପରିଶେଷରେ ଉକ୍ତ ରନ୍ଧନ ଖାଦ୍ୟ ବଂଟନ କାର୍ଯ୍ୟକ୍ରମରେ ଓା୍ୱର୍ଡ ସଭ୍ୟ ରାଘବ ଚନ୍ଦ୍ର ବେହେରା ଏବଂ ମୀନ କେତନ ସ୍ବାଇଁ ସହଯୋଗ କରିଥିଲେ ।
No comments:
Post a Comment
ହୃଦୟର ଶରଧା ସହିତ...........