ଭୋକରେ ବର୍ହି ରାଜ୍ୟର ଶ୍ରମିକ, ସହଯୋଗର ହାତ ବଢାଇଲେ ସାମାଜିକ କର୍ମୀ
(କଂଟାପଡା) : ତା:୦୧/୦୪/୨୦: ଆଜି କଂଟାପଡା ତହସିଲ ପରିସରରେ ଦୁଇ ଜଣ ନିର୍ମାଣ ଶ୍ରମିକ ପହଂଚିଥିଲେ । ଉକ୍ତ ଦୁଇ ଜଣ ବ୍ୟକ୍ତିଙ୍କ ନାମ ମାସୁଦ୍ ପରଭେଜ୍ ଏବଂ ମଜିବୁର୍ ରହେମାନ ଥିଲା । ସେମାନେ ଆଠ ଜଣ ସଙ୍ଘବଦ୍ଧ ଭାବରେ ଅଡଶପୁର ଅଂଚଳର ବିଭିନ୍ନ ଗ୍ରାମକୁ ଯାଇ, ଦୀର୍ଘ ଦୁଇ ବର୍ଷ ପର୍ଯ୍ୟନ୍ତ ରାଜମିସ୍ତ୍ରୀ କାମ କରିବା ସହିତ ଅଡଶପୁର ସରସ୍ବତୀ ଶିଶୁ ମନ୍ଦିର ପଛ ପାଶ୍ୱର୍ରେ ଏକ ଝୁପୁଡି ଘରେ ରହୁଛନ୍ତି । ତେବେ ସେମାନେ ୱେଷ୍ଟ ବେଙ୍ଗଲର ମୁର୍ସିଦାବାଦ ଅଂଚଳର ବ୍ୟକ୍ତି ବିଶେଷ ବୋଲି ସେମାନଙ୍କ ସହିତ ଆଲୋଚନା ସୁତ୍ରରୁ ଜଣା ପଡିଥିଲା । ତେବେ କରୋନା ପାଇଁ କୌଣସି କାମ ନ ମିଳିବାରୁ ସେମାନେ ଭୋକ ଉପାସରେ କାଳପାତିତ କରୁଛନ୍ତି ବୋଲି ପ୍ରକାଶ କରିଥିଲେ । ଏ ସଂପର୍କେ କଂଟାପଡା ତହସିଲର ଅତରିକ୍ତ ତହସିଲଦାର ଶୁଭ୍ରାଂଶୁ ସାହୁଙ୍କ ପରାମର୍ଶ କ୍ରମେ ଗୋଷ୍ଠୀ ଉନ୍ନୟନ ଅଧିକାରୀ କେ. ଅଶୋକ କୁମାରଙ୍କ ସହିତ ସାମାଜିକ କର୍ମୀ ମାଧବାନନ୍ଦ ଭୋଇ, ବିଜୟ କୁମାର ଭୋଇ ଏବଂ ହେମନ୍ତ କୁମାର ସ୍ବାଇଁ ଆଲୋଚନା କରିଥିଲେ । ଏହାପରେ ଶ୍ରୀଯୁକ୍ତ କୁମାର , ଅସହାୟମାନଙ୍କୁ ରନ୍ଧନ ଖାଦ୍ୟ ବଂଟନ ଦାୟିତ୍ୱରେ ଥିବା ବି.ପି. ଏମ୍ ସୁରଜ କୁମାର ବେହେରାଙ୍କୁ ସେମାନଙ୍କର ଭୋଜନ ବ୍ୟବସ୍ଥା ବୁଝିବା ପାଇଁ ନିର୍ଦ୍ଦେଶ ଦେଇଥିଲେ । ପରିଶେଷରେ ଉକ୍ତ ବ୍ୟକ୍ତିମାନଙ୍କ ପାଇଁ ଜୟଦେବ ପୀଠ,ଅଡଶପୁର ସ୍ଥିତ ଗ୍ରାମ ପଂଚାୟତ ସ୍ତରୀୟ ସଂଘର ଖାଦ୍ୟ ବିତରଣ କେନ୍ଦ୍ରରେ ନିୟମିତ ଭୋଜନ ବ୍ୟବସ୍ଥା ସ୍ଥିରୀକୃତ ହୋଇଥିଲା ।
ଭୁଲିବନି କେବେ ମୋତେ,ପୁଣି ତୁମରି ଅପେକ୍ଷାରେ...
No comments:
Post a Comment
ହୃଦୟର ଶରଧା ସହିତ...........