ଫଟୋ ପଛର କାହାଣୀ ରଞ୍ଜନ ଦାସ ମର୍ଡର କେସ୍
ବିଶ୍ୱାସର ହସ, ହଳାହଳ ବିଷ
ସବୁ ଠୁ ସୁନ୍ଦର ଆମରି ଗାଁ
କେବେ ଏହି ପ୍ରେମ !
“ମୁଁ” ତୁମରି ପାଇଁ
ମହାନିର୍ବାଣ
ଶ୍ରଦ୍ଧା ସୁମନ
ନାମଟି ତା'ର ପରୀ
ନୟାଗଡର ନାବାଳିକା #ପରୀ ହତ୍ୟା ଘଟଣାରେ ମୋର କବିତା “ନାମଟି ତାର ପରୀ” ପାଠ କରି ମୋର ପ୍ରିୟ ପାଠିକା /ପାଠକମାନଙ୍କୁ ମତାମତ ପ୍ରଦାନ କରିବା ପାଇଁ ସବିନୟ ଅନୁରୋଧ । ପରୀ ହତ୍ୟାକାରୀକୁ ଗିରଫ କରିବା ଆମର ଦାବୀ ।
ନାମଟି ତାର ପରୀ,
କଢୀଟିଏ ସିଏ ,ଫୁଟିବା ଆଗରୁ;
ଅକାଳେ ପଡିଲା ଝରି । ।
ଛିନ୍ ଭିନ୍ କିଏ କଲା ତାର ତନୁ,
ରାଇଜେ ପଡିଲା ହୁରି,
କିଏ କହେ ବଳି,କିଏ କହେ ଚୋରୀ
ପରୀ ହେଲା ହତଶିରୀ । ।ନାମଟି ତାର ପରୀ
କଅଁଳ ବୟସେ ଅଝଟିଆ ମନ,
କେଉଁ ପାପୀ ହସ୍ତେ ହୋଇଲା ନିଧନ,
ରାଜନୀତି ଚାଲ, କରି ମୂଲ ଚାଲ,
ପରୀକୁ ନେଲା ବେପାରୀ । ନାମଟି ତାର ପରୀ
ପରୀ ନାମେ କେତେ ଯୋଜନା ହେଉଛି,
ଲୋକ ଦେଖାଣିଆ, ଡେଙ୍ଗୁରା ବାଜୁଛି ।
ପାଏନା ସମ୍ମାନ ,ଦୁହିତା ରତନ
ଅକାଳରେ ଯାଏ ଝରି,ନାମଟି ତାର ପରୀ । ।
ସଂପାଦକ:ଉଦୟ ଭାନୁ,ସା:ଭୋଦଳ,ପୋ:ପାଟସୁନ୍ଦରପୁର,କଟକ:୦୧୮,ସଂପର୍କ:୯୨୩୮୫୮୯୧୦୦
ରହସ୍ୟମୟ “ଯତନ ନଗର”
ଅବୋଲକରା-୭
ଅବୋଲକରା-୬
ପ୍ରେମ ମାନସାଙ୍କ
ଅବୋଲକରା-୪
ଅବୋଲକରା-୩
ଅବୋଲକରା-୨
ଗଣିକା ମାଧ୍ୟମ ମହିମା
ଚିକିତ୍ସା ପାଇଁ ଆର୍ଥିକ ସହାୟତା ଆବଶ୍ୟକ
ସମସ୍ୟା ଚକ୍ରବ୍ୟୁହରେ ଡାକ୍ତରଖାନା,ଅଭିମନ୍ୟୁ ତରଫରୁ ଅନଶନ ଜାରି
କବୀର୍ ଭୋଇ ମୁଁ କହୁଛି
ସେବା ଟ୍ରଷ୍ଟ ଆନୁକୁଲ୍ୟରେ ପ୍ରଥମ ପ୍ରତିଷ୍ଠା ଦିବସ ଏବଂ ଗୋପବନ୍ଧୁ ଜୟନ୍ତୀ
“ପୂରିବ ସ୍ବରାଜ୍ୟ ଗାଡ”
କାମନା କଣ୍ଢେଇ ହୁଏ ନାରୀ
ଗୁରୁ କୃପା
ଗୁରୁ କୃପା
ମାଧବାନନ୍ଦ ଭୋଇ
ତା୩୦/୦୯/୨୦୨୦ରିଖ । ଆଜି ବୁଧବାର ଥିଲା । ନିଜର ଜନ ସେବା
କେନ୍ଦ୍ରରେ ବିଶେଷ କିଛି କାମ ନଥିଲେ ବି, ସକାଳ ବେଳା କିଛି କାଗଜପତ୍ର କାମ ଥିଲା । ଆଜି ବହୁତ ଇଚ୍ଛା ଥିଲା ସସ୍ତ୍ରୀକ ଗୁରୁଦେବଙ୍କ କର୍ମକ୍ଷେତ୍ର ମଙ୍ଗୁଲି ଆଶ୍ରମ ଯିବା ପାଇଁ । ତଥାପି ଆମର କାମ ସାରୁ ସାରୁ ଏଗାରଟା ତିରିଶ ବାଜିଗଲା । ରଶ୍ମୀର ବି ଘର କାମ ସରି ନ ଥିଲା । ତେବେ ଗୁରୁ ମନ୍ଦିରର ପହଡ ପଡି ସାରିଥିବ ଭାବି, ଉଭୟେ ଦିନ ଗୋଟାଏ ତିରିଶ ମିନିଟ ସୁଦ୍ଧା ମଙ୍ଗୁଲି ଯିବା ପାଇଁ ସ୍ଥିର କରି ନେଲୁ । ଠିକ୍ ସେହି ସମୟରେ ବାହାରିବା ପରେ ଘର ଚଉପଡା ଏକ କିଲୋମିଟର ଦୂରରେ ପହଂଚିଛୁ , ପ୍ରବଳ ଦୁମ କାଣିଆ ବର୍ଷା ଆରମ୍ଭ ହୋଇଗଲା । ଘଡ ଘଡି ମଧ୍ୟ ଜୋରରେ ମାରୁଥାଏ । ନିରୁପାୟ ହୋଇ ଚଉପଡାସ୍ଥିତ ଏକ ସିଲେଇ ଦୋକାନ ବାରଣ୍ଡାରେ ଆଶ୍ରୟ ନେଲୁ । ରଶ୍ମୀ କହିଲା, ମୁଁ ମାଆଙ୍କ ନାମରେ ସ୍ମରଣ କରି ତିନୋଟି ତାଳି ମାରୁଛି, ବର୍ଷା କମିଯିବ । ତାକୁ ଚିଡାଇବା ପାଇଁ ମୁଁ ହସିଲି । ସେ ବିରକ୍ତ ହେଲା ମୋ ହସ ଦେଖି । ପ୍ରାୟ ପନ୍ଦର ମିନିଟ୍ ପରେ ବର୍ଷା କମିଲା । ଝିପି ଝିପି କୁଣ୍ଡାଝରା ବର୍ଷା ହେଉଥାଏ । ମୁଁ କହିଲି, ଆରେ ଘର ପାଖରେ ଅଛୁ,ଚାଲ ଘରକୁ ପଳାଇଯିବା । ମାତ୍ର ରଶ୍ମୀ ନଛୋଡ ବନ୍ଧା, ଆମେ ଗୁରୁ କ୍ଷେତ୍ରକୁ ବାହାରିଛୁ ମାନେ ଯିବା ପାଇଁ ପଡିବ । ଆକାଶରେ ମଧ୍ୟ କଲା ବାଦଲ ଘୁରୁଥାଏ । ସେହି ବର୍ଷାରେ ଭିଜି ଭିଜି ଆମେ ବାହାରିଲୁ । ବାଇକ୍ ଚଲାଇବା ପାଇଁ ବହୁତ କଷ୍ଟ ହେଉଥାଏ ।ହେଲେ ଝାରପଡା ପୋଲ ନିକଟରେ ବର୍ଷାର ବେଗ ବଢି ଚାଲିଲା । ପୁନଃ କିଛି ଉପାୟ ନ ଥିବା ହେତୁ ଏକ କେବିନ୍ ବାରଣ୍ଡାରେ ମୁଣ୍ଡ ଗୁଂଜିଲୁ । ଆକାଶରେ ବହୁତ କଳା ବାଦଲ ଥିଲା । ପ୍ରାୟ ପନ୍ଦର ମିନିଟ ପରେ ବର୍ଷା ଟିକେ କମିଲା । ବର୍ଷା ହେବା ନିଶ୍ଚିତ ଜାଣି, ଘରକୁ ଯିବା , କିମ୍ବା ଗୁରୁ କ୍ଷେତ୍ରକୁ ଯିବାର ନିଷ୍ପତି ରଶ୍ମୀ ମୋ ଉପରେ ଛାଡିଦେଲା । ତେବେ ଅର୍ଦ୍ଧାଧିକ ବାଟ ଆସି ଯାଇଥିବା ହେତୁ, ଏବଂ ଗୁୁରୁ କ୍ଷେତ୍ରକୁ ଯିବା ପାଇଁ ସଂପୂର୍ଣ୍ଣ ନିଷ୍ପତି ନେଇ ସାରିଥିବାରୁ, କେବଳ ଗୁରୁଦେବଙ୍କୁ ସ୍ମରଣ କରି ଯିବା ପାଇଁ ମୁଁ ଠିକ୍ କରିନେଲି । ଝିପି ଝିପି ବର୍ଷାରେ ବାଇକ୍ ଚଲାଇବାରେ ଟିକେ ଅଶ୍ୱସ୍ତି ବୋଧ ହେଉଥିଲେ ମଧ୍ୟ ଗୁରୁ କ୍ଷେତ୍ରରେ ପହଂଚିବା ନିଶାରେ ଚାଲିଲୁ । ପ୍ରାୟ ତିନିଟା ସୁଦ୍ଧା ମଙ୍ଗୁଲି ଆଶ୍ରମରେ ପହଂଚିଲୁ । ଗୁରୁ ମନ୍ଦିର,ଶ୍ୟାମାକାଳୀ ମନ୍ଦିର ଏବଂ ଜଗନ୍ନାଥ ମନ୍ଦିର ବନ୍ଦ ଥାଏ । ଆଶ୍ରମ ପରିଚାଳିକା ବିନି ମା ତାଙ୍କର ବିଶ୍ରାମ ପ୍ରକୋଷ୍ଠରେ ବିଶ୍ରାମ ନେଉଥାନ୍ତି । ତେବେ ଗୁରୁ ଦେବଙ୍କ ମନ୍ଦିର ସମ୍ମୁଖରେ ଗୁରୁ ଦେବଙ୍କୁ ପ୍ରାର୍ଥନା କରିବା ବ୍ୟତୀତ ଆମର କିଛି ବାଟ ନ ଥିଲା । ଏହି ସମୟରେ ବର୍ଷା ମଧ୍ୟ ପ୍ରବଳ ବେଗରେ ହେଲା । ରଶ୍ମୀ ହାତ ଯୋଡି ଗୁରୁ ମନ୍ଦିର ସମ୍ମୁଖରେ ବସିଥାଏ । ମୁଁ କିଛି ସମୟ ପରେ, ଡିଜିଟାଲ ଇଂଡିଆର ଅନ୍ ଲାଇନ୍ ମିଟିଂ ଥିବାରୁ ମୁଁ ମୋବାଇଲ୍ ରେ ମନ ଦେଲି । ହେଲେ ଏ ସମୟରେ ଏକ ଆଶ୍ଚର୍ଯ୍ୟ ଘଟଣା ଘଟିଲା । ସମୟେ ସମୟେ ଆମର ଚତୁପାଶ୍ୱର୍ରେ ଦିବ୍ୟ ସୁଗନ୍ଧର ବଳୟ ଉଭୟେ ଅନୁଭବ କରି ପାରୁଥିଲୁ । ପ୍ରବଳ ବର୍ଷା ହେଲେ ବି ଏହି ଦିବ୍ୟ ସୁଗନ୍ଧ ପ୍ରାୟ ଗୋଟିଏ ମିନିଟ ରହି, ପୁନଃ ସ୍ବାଭାବିକ ଅବସ୍ଥାକୁ ଫେରିଆସୁଥିଲା ।ପୁନଃ ଆଶ୍ରମର ବାରଣ୍ଡାରେ ଦିବ୍ୟ ସୁଗନ୍ଧ ଘୁରି ବୁଲୁଥିଲା । ଗୁରୁ ଦେବଙ୍କର ସୁକ୍ଷ୍ମ ଉପସ୍ଥିତିକୁ ଅନୁଭବ କରି,ଶରୀରରେ ଅପୂର୍ବ ଶିହରଣ ଖେଳି ଯାଉଥିଲା । ହେଲେ ବର୍ଷା ଥମିବାର ନାମ ନେଉ ନ ଥିଲା । ମୋର ନବ ରାତ୍ରି ଚାଲିଥିବାରୁ, ଏକ ବେଳା ହବିଷ୍ୟାନ୍ନ ପାଇଁ ଧ୍ୟାନକୁଦ ପୀଠରେ ପ୍ରସାଦ ପାଇଁ ଆଜି ବହୁତ ଇଚ୍ଛା ଥିଲା । ସେଥିପାଇଁ ଘରେ ମଧ୍ୟ କିଛି ଭୋଜନ କରି ନଥିବା ହେତୁ କ୍ଷୁଧାର ଜ୍ୱାଳା ବଢି ଚାଲିଥିଲା । ଗୁରୁ ମନ୍ଦିର ନ ଖୋଲିବା ଏବଂ ବର୍ଷା ନ ଛାଡିବା ହେତୁ ଗୁରୁ ଦେବଙ୍କ ଉପରେ ପ୍ରବଳ ଅଭିମାନ ଆସିଲା । ମନ ଏଇ କଥା ଭାବି ଗୁଣୁ ଗୁଣୁ ହେଲେ ମଧ୍ୟ କିଛି କରି ପାରୁ ନଥିଲି ।ସମୟ ପ୍ରାୟ ଚାରିଟା ପନ୍ଦର ହେବ । ବିନି ମା ଆସିଲେ । ମନ୍ଦିର ଗୁଡିକ ଖୋଲା ହେଲା । ଦିବ୍ୟ ଦର୍ଶନ ହେଲା ପରେ ମୁଁ ଧ୍ୟାନ କୁଦ ବାହାରିଲି । ବର୍ଷା ମଧ୍ୟ ଛାଡିଗଲା ।ହେଲେ ଚାରଟି ତିରିଶରେ ସେଠାରେ ପ୍ରସାଦ ମିଳିବ କି ନାହିଁ ମନରେ ଭାବନା ଥିଲେ ବି,ବିନି ମାଆର କଥା ଅନୁସାରେ ପ୍ରଭୁଙ୍କ ବରାଦ ଯାହା ଥିବ ନ୍ୟାୟରେ,ଗୁରୁ ଦେବଙ୍କ ପ୍ରତି ଅଟଳ ବିଶ୍ୱାସ ରଖି ଏକୁଟିଆ ଧ୍ୟାନକୁଦ ବାହାରିଲି । ଝିପି ଝିପି ବର୍ଷା ହେଉଥାଏ । ଚାରିଟା ଚାଳିଶ ମିନିଟ୍ ହୋଇଗଲା । ଧ୍ୟାନ କୁଦ ରୋଷ ଶାଳା ଶୁନ୍ ଶାନ୍ ଲାଗୁଥାଏ । ନନାମାନେ ମଧ୍ୟ ବଳକା ପ୍ରସାଦ ଗୁଡିକ ବାନ୍ଧି ନିଜ ଘରକୁ ନେବା ପାଇଁ ବାହାରିଥାନ୍ତି । ତେଣୁ ସେମାନଙ୍କ ଠୁ ନାସ୍ତି ବାଣୀ ମଧ୍ୟ ଶୁଣିବା ପାଇଁ ପଡିଲା । ହେଲେ ଏହି ସମୟରେ ଜନୈକ ନନା ବାହାରି ଆସି କହିଲେ, ଆରେ ତାଙ୍କୁ ମନା କରନି, ଯାହା ଅଛି ବାଂଟି କରି ତାଙ୍କୁ ଦେଇ ଦେବା । ସେ ପ୍ରଭୁଙ୍କ ପ୍ରସାଦ ପାଇଁ ଆସିଛନ୍ତି । ଫେରାଅନି । ପରିଶେଷରେ ଉଚିତ୍ ମୂଲ୍ୟ ଠାରୁ କମ୍ ଦାମ୍ ପ୍ରଦାନ କରି ଇଚ୍ଛା ଠାରୁ ଅଧିକ ପ୍ରସାଦ ଧରି ବାହାରିଲି । ସ୍ନେହାଶ୍ରୁରେ ଆଖିରୁ ଝର ଝର ହୋଇ ଲୁହ ଝରି ଚାଲିଥିଲା । ଗୁରୁ ଦେବଙ୍କର ଏହି ଅବ୍ୟକ୍ତ ଲୀଳାକୁ ବୁଝିବା ପାଇଁ ସତରେ ନଶ୍ୱର ଶରୀର ଅସମର୍ଥ ଥିଲା । ବିଲୁଆ ଖାଇ ନଇ ପୋଲରେ ଗୁଣୁ ଗୁଣୁ ହୋଇ ହୋଇ ଭାବୁଥିଲି, ଆରେ ଦର୍ଶନ ସମୟରେ ଲାଇନ୍ ତ ନଥିଲା । ଦର୍ଶନ ଭଲରେ ହେଲା ନାହିଁ । ଲାଇନ୍ ଆସି ଯାଆନ୍ତି ନି, ଦର୍ଶନ ସହିତ ଫଟୋ କିଛି ଉଠାଇ ଥାନ୍ତି ।
ବାସ୍ !କିଛି ସମୟ ପରେ ମଙ୍ଗୁଲି ଆଶ୍ରମରେ ପହଂଚିଲି । ଲାଇନ୍ ମଧ୍ୟ ଆସି ଯାଇଥିଲା ।ବିଦୁ୍ୟତ୍ ଆଲୋକରେ ଗୁରୁ ଦେବଙ୍କ ମୁଖ ମଣ୍ଡଳ ଝଲସି ଯାଉଥିଲା । ଶରୀରରେ ଖେଳି ଯାଉଥିଲା ଅପୂର୍ବ ଶିହରଣ । ଇଚ୍ଛାମୟଙ୍କର ଅଧମ ପ୍ରତି କୃପା ବାରି ସିଂଚନ କରିଛନ୍ତି, ଏହା ମୁଁ ମର୍ମେ ମର୍ମେ ଅନୁଭବ କରି ପାରୁଥିଲି । ଯେଉଁ ଦିବ୍ୟ ଅନୁଭବରେ, ଆଖିର ଲୁହ ବାଧା ମାନୁ ନ ଥିଲା ।ଅଜସ୍ର କୋହ ଆଉ ଝର ଝର ଲୁହକୁ ଗୁରୁ ଦେବଙ୍କ ପଦାବ୍ଚରେ ଅର୍ପଣ କରି ,ତାଙ୍କର ଅପୂର୍ବ ଲୀଳା ମାଧୁରିମାକୁ ହୃଦୟରେ ସାଇତି ମଙ୍ଗୁଲି ଆଶ୍ରମରୁ ଫେରିଆସିଲି । ସତରେ ଆଧ୍ୟାତ୍ମିକ ରାଇଜରେ ଅନେକ ସାଧକ କାମନା ବାସନା ପାଇଁ ସ୍ବାର୍ଥନ୍ୱେଷୀ ଅର୍ଘ୍ୟ ବଦଳରେ ସୁଖ ସମୃଦ୍ଧି ମିଳୁଥିବା ବେଳେ, ସଦ୍ ଗୁରୁଙ୍କ ନିଷ୍କାମ ପ୍ରେମରେ କେବଳ ସୁଖ ହିଁ ସୁଖ ମିଳିଥାଏ । ଆମେ କେବଳ ନିଜର କର୍ତବ୍ୟକୁ ଯଥୋଚିତ ଭାବରେ ତାଙ୍କର ପଦାରବିନ୍ଦରେ ସମର୍ପଣ କରିଦେଲେ,ଜୀବନ ପାତ୍ର ପୁରି ଯାଏ ।ପ୍ରାଣ ଅପୂର୍ବ ସୁରଭିରେ ସୁରଭିତ ହୋଇଯାଏ । ସତରେ ତୁମେ ବରଷୁଛ କୃପା,ହେଲେ ଭାଗ୍ୟରେ ନାହିଁ ମୋହରି । ତୁମେ ମହା ଦୟାଳୁ ଠାକୁର,......,
ଅଘୋରୀ ମୋହର ନାଆଁ
ଗୃହବନ୍ଦୀ ପରିବାରକୁ ବିନା ଅବରୋଧରେ ଦଶ ଫୁଟ ରାସ୍ତା ଛାଡିବା ପାଇଁ ନ୍ୟାୟାଳୟର ଅନ୍ତରୀଣ ନିର୍ଦ୍ଦେଶ
ଦରାଡ ଅଧିବାସୀଙ୍କ ଅକଥନୀୟ ଦୁର୍ଦ୍ଦଶା,ନୀରବ ଦ୍ରଷ୍ଟା ସାଜିଛି ବାଲିପାଟଣା ପ୍ରଶାସନ
IYA NEWS(ବାଲିପାଟଣା) ତା:୦୩/୦୯/୨୦୨୦ରିଖ: ବିଭିନ୍ନ ଦୈବୀ ଦୁର୍ବିପାକ ପାଇଁ ରାଜ୍ୟ ସରକାର ବିପର୍ଯୟ ପରିଚାଳନା ପାଂଠି କରି ଓଡିଶା ରାଜ କୋଷରୁ କୋଟି କୋଟି ଟଙ୍କା ବ୍ୟୟ କରୁଥିଲେ ମଧ୍ୟ ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ପଂମ୍ପାଲୋ ଗ୍ରାମ ପଂଚାୟତର ଦରାଡ ଅଧିବାସୀମାନଙ୍କ ପାଇଁ ବିପର୍ଯ୍ୟୟ ଜନିତ ସବୁ ସୁବିଧା ଅପହଂଚ ପାଲଟିଯାଇଛି । ବିଗତ ଦିନରେ ଲଘୁଚାପ ଜନ୍ଖଚ୍ଛ ପ୍ରବଳ ବର୍ଷା ହେବା ଦ୍ୱାରା ହୀରାକୁଦ ଡ୍ୟାମରୁ ୪୬ ଗେଟ୍ ଯୋଗେ ଜଳ ନିଷ୍କାସିତ ହୋଇଥିଲା । ଯାହାଫଳରେ ଅନେକ ସ୍ଥାନରେ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା । ଏହି ପରିପ୍ରେକ୍ଷୀରେ ବାଲିପାଟଣା ବ୍ଲକର ଭାଗର୍ବୀ-ଧନୁଆ ନଦୀ ଦ୍ୱାରା ଅଚୁ୍ୟତପୁର-ବଇଁଚୁଆଁ କାଜ ପାଣି ପ୍ଳାବିତ ହୋଇ ଅନେକ ପଂଚାୟତ ଜଳମଗ୍ନ ହେବା ସହିତ ଜନ ସାଧାରଣ ନାହିଁ ନ ଥିବା ସମସ୍ୟାର ସମ୍ମୁଖୀନ ହୋଇଥିଲେ । ସବୁ ଠାରୁ ବଳି ଯାଇଥିଲା ଉକ୍ତ ବ୍ଲକର ଦରାଡ ଦଳିତ ଅଧିବାସୀଙ୍କର ଅବସ୍ଥା । ଦୀର୍ଘ ୪/୫ ଦିନ ପର୍ଯନ୍ତ ଉକ୍ତ ଅଂଚଳ ପାଣିରେ ବୁଡି ରହିଥିଲେ ମଧ୍ୟ କୌଣସି ପ୍ରଶାସନିକ ଅଧିକାରୀଙ୍କ ଦେଖା ଦର୍ଶନ ମିଳି ନ ଥିଲା । ନାମକୁ ମାତ୍ର ଢୋକେ ପିଇ ଦଣ୍ଡେ ଜିଇଁ ନ୍ୟାୟରେ ପ୍ରଶାସନ ତରଫରୁ ମୁଣ୍ଡ ପିଛା ୬୦୦ ଗ୍ରାମ ଚୂଡା, ୫୦ ଗ୍ରାମ ଚିନି ଏବଂ ଖୋଲା ଦଶ ବାରୋଟି ବିସ୍କୁଟ୍ ପ୍ରଦାନ କରାଯାଇଥିଲା । ଯାହାଫଳରେ ଉକ୍ତ ଜଳ ପ୍ଲାବିତ ଅଚଂଳରେ ଅନେକ ଗରିବ ଶ୍ରେଣୀୟ ବ୍ୟକ୍ତିମାନେ ବାସ କରୁଥିବାରୁ ବିନା କାମ ଧନ୍ଦାରେ ଭୋକ ଉପାସରେ କାଳ ପାତିତ କରିଥିଲେ । ଏତଦ୍ ବ୍ୟତୀତ ଏଠାରେ ପାନୀୟ ଜଳର ସୁବିଧା ନ ଥିଲେ ମଧ୍ୟ ଏକ ୱାଡ ପୋଷ୍ଟ ଉପରେ ଦୁଇ ଶହରୁ ଅଧିକ ଲୋକ ନିର୍ଭର କରନ୍ତି । ରାସ୍ତା ଘାଟର ମଧ୍ୟ ସେପରି ସୁବିଧା ନାହିଁ । ଭୌଗଳିକ ଦୃଷ୍ଟି କୋଣରୁ ଭୁବନେଶ୍ୱର ରାଜଧାନୀ ଠାରୁ ପ୍ରାୟ ତିରିଶ କିଲୋମିଟର ଦୂରରେ ଥିଲେ ମଧ୍ୟ ଦରାଡ ଦଳିତ ଅଧିବାସୀଙ୍କର ଦୁଃଖ ଦୁର୍ଦ୍ଦଶା ଦୀପ ତଳ ଅନ୍ଧାର ବୋଲି ବୁଦ୍ଧିଜିବୀମାନେ ମତ ବ୍ୟକ୍ତ କରିଛନ୍ତି । ଯଦି ଆସନ୍ତା ଦିନରେ ସରକାର କୌନସି ପଦକ୍ଷେପ ଗ୍ରହଣ ନ କରନ୍ତି, ଏଠାର ଅଧିବାସୀମାନେ ରାଜ ରାସ୍ତାରେ ବିକ୍ଷୋଭ ପ୍ରଦର୍ଶନ କରିବା ସହିତ ପ୍ରଶାସନିଲ କାର୍ଯ୍ୟାଳୟ ଘେରାଉ କରାଯିବ ବୋଲି ଚେତାବନୀ ଦେଇଛନ୍ତି ।
୫୧ ନମ୍ବର ୱାର୍ଡ ଗୋଷ୍ଠୀ ସଙ୍ଗଠିକାଙ୍କ ବେପରୁଆ ମନୋଭାବ, ସରକାରୀ ସହାୟତାରୁ ବଂଚିତ ହିତାଧିକାରୀ
IYANEWS (କଟକ) ତା:୦୩/୦୯/୨୦୨୦ରିଖ: ଅଧୁନା ରାଜ୍ୟ ସରକାର ଏନ୍ତୁଡିଶାଳରୁ ମଶାଣି ଭୂଇଁ ପର୍ଯ୍ୟନ୍ତ ଅନେକ ଯୋଜନା ପ୍ରଣୟନ କରିଛନ୍ତି । ଏହି ପରିପ୍ରେକ୍ଷୀରେ କଟକ ମହା ନିଗମର ୫୧ ନମ୍ବର ୱାର୍ଡ ପାଇଁ ସରକାରଙ୍କର ଅନେକ ଜନ କଲ୍ୟାଣ ଯୋଜନା ଭାବରେ ବାର୍ଦ୍ଧ୍ୟକ ଭତା,ହରିଶ୍ଚନ୍ଦ୍ର ଯୋଜନା,ରାସନ କାର୍ଡ, ବ୍ୟବସାୟିକ ଋଣ ଏବଂ ଗୃହ ଓ ପାଇଖାନା ନିର୍ମାଣ ଆଦି ଥିଲା ମଧ୍ୟ କଟକ ଜିଲ୍ଲାପାଳ କାର୍ଯାଳୟ ଠାରୁ ଅନତି ଦୂରରେ ଏହି ସ୍ଥାନ ଥିଲେ ମଧ୍ୟ ଏହି ୱାର୍ଡର ଗୋଷ୍ଠୀ ସଙ୍ଗଠିକାଙ୍କ ବେପରୁଆ ଏବଂ ଖାମଖିଆଲି ମନୋ ଭାବ ହେତୁ ମନୋଭାବ ହେତୁ ଅନେକ ଯୋଗ୍ୟ ହିତାଧିକାରୀ ଜନ କଲ୍ୟାଣ ଯୋଜନାରେ ସରକାରୀ ସହାୟତାରୁ ବଂଚିତ ହୋଇଛନ୍ତି, ଯାହା ଫଳରେ ଆଜି ଅନେକ ହିତାଧିକାରୀ କଟକ ମୁନିସିପାଲିଟି କମିଶନରଙ୍କ ଠାରେ ଲିଖିତ ଭାବରେ ଅଭିଯୋଗ କରିଛନ୍ତି । ତେବେ ଏହି ୱାର୍ଡରେ କିଛି ଦିନ ପୂର୍ବେ ଶତକଡା ୭୦ ଭାଗ ଭିନ୍ନକ୍ଷମ ମହିଳା ସାବିତ୍ରୀ ଦଳାଇଙ୍କର ପୁତ୍ର ଶିବେନ୍ଦ୍ର ଦଳାଇ ମୃତୁ୍ୟ ବରଣ କରିଥିଲେ ମଧ୍ୟ, ଉକ୍ତ ମହିଳା ଜଣକ ସରକାରୀ ସହାୟତାରୁ ବଂଚିତ ହୋଇଛନ୍ତି । ଏଠାରେ ଅଧିବାସୀଙ୍କର ଅଭିଯୋଗ କ୍ରମେ, ଉକ୍ତ ସଂଗଠିକା ମୃତୁ୍ୟ ବରଣ କରିଥିଲେ ମଧ୍ୟ, ଉକ୍ତ ମହିଳା ଜଣକ ସରକାରୀ ସହାୟତାରୁ ବଂଚିତ ହୋଇଛନ୍ତି । ଏଠାରେ ଅଧିବାସୀଙ୍କର ଅଭିଯୋଗ କ୍ରମେ, ଉକ୍ତ ସଂଗଠିକା ମହାଶୟା ୱାର୍ଡ ପରିଦର୍ଶନ ନ କରିବା ସହିତ ଫୋନ୍ କଲେ ମଧ୍ୟ କୌଣସି କଥାକୁ କର୍ଣ୍ଣପାତ କରୁ ନାହାନ୍ତି । ତେବେ ଏ ସଂପର୍କରେ ଉପରିସ୍ଥ ଅଧିକାରୀ ଅମୃତ ସରକାରଙ୍କୁ ବାରମ୍ବାର ଅବଗତ କଲେ ମଧ୍ୟ ନୀରବ ଦ୍ରଷ୍ଟା ସାଜିଛନ୍ତି ବୋଲି ଅତ୍ୟନ୍ତ କ୍ଷୋଭ ପ୍ରକାଶ କରିଛନ୍ତି । ଏହି ପରିପ୍ରେକ୍ଷୀରେ କାର୍ଯ୍ୟରତ ଗୋଷ୍ଠୀ ସଙ୍ଗଠିକାଙ୍କୁ ପରିବର୍ତତ କରାଯାଇ୫୧ ନମ୍ବର ୱାର୍ଡର ବିକାଶ ପାଇଁ ଜଣେ ସମ୍ବେଦନଶୀଳ ସମ୍ପନ ବ୍ୟକ୍ତିଙ୍କୁ ନିଯୁକ୍ତି ଦାବୀ କରି, ଆଜି ସୂଚନାଧିକାରକର୍ମୀ ଜିତେନ୍ଦ୍ର କୁମାର ସାହୁଙ୍କ ନେତୃତ୍ୱରେ ବାସନ୍ତୀ ଦଳେଇ, ମନୋରଂଜନ ଓଝା,ପ୍ରଫୁଲ୍ଲ ବେହେରା, ଅଜୟ ବେହେରା,ମମତା ବେହେରା,ହୃଦାନନ୍ଦ ପଟ୍ଟନାୟକ,ବାବାଜୀ ବେହେରା ଏବଂ ଆରତୀ ମହାରଣା ପ୍ରମୁଖ ଲିଖିତ ଅଭିଯୋଗ କରିଛନ୍ତି ।
ବନ୍ୟା ବିପନ୍ନଙ୍କୁ ସହାୟତାର ହାତ ବଢାଇଲା "ସମ୍ଭବ" ଯୁବ ସଙ୍ଗଠନ
ବ୍ରାହ୍ମଣବାଟୀ ଗ୍ରାମ ପଂଚାୟତରେ ବୃକ୍ଷରୋପଣ କାର୍ଯ୍ୟକ୍ରମ
IYA NEWS (କଂଟାପଡା) ତା:୦୧/୦୯/୨୦୨୦ରିଖ ବିଶ୍ୱରେ ପ୍ରଦୂଷଣର ମାତ୍ରା ବୃଦ୍ଧି ପାଉଥିବା ସମୟରେ ଜୀବ ଜଗତ ଏବଂ ମାନବ ସମାଜ ବିଭିନ୍ନ ସମସ୍ୟା ଗୁଡିକର ସମ୍ମୁଖୀନ ହେଉଛନ୍ତି । ଏହି ପରିପ୍ରେକ୍ଷୀରେ ଆଜି କଂଟାପଡା ବ୍ଲକ ଅଧିନସ୍ଥ ବ୍ରାହ୍ମଣବାଟୀ ପଂଚାୟତର ବ୍ରାହ୍ମଣବାଟୀ ଗ୍ରାମରେ ଏକ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଉଦ୍ ଘାଟନ କରିଥିଲେ ସ୍ଥାନୀୟ ବିଧାୟକ ଡାକ୍ତର ପ୍ରମୋଦ କୁମାର ମଲ୍ଲିକ । ଏତଦ୍ ବ୍ୟତୀତ ପ୍ରଦୂଷଣର ରାକ୍ଷସକୁ ମୁକାବିଲା କରିବା ପାଇଁ ବୃକ୍ଷ ରୋପଣ ନିତାନ୍ତ ଆବଶ୍ୟକ ବୋଲି ସ୍ଥାନୀୟ ବିଶିଷ୍ଟ ବ୍ୟକ୍ତିଗଣ ମତବ୍ୟକ୍ତ କରିବା ସହିତ ଉକ୍ତ କାର୍ଯ୍ୟକ୍ରମରେ କଂଟାପଡା ବ୍ଲକ ଅଧ୍ୟକ୍ଷା ସ୍ମିତା ରାଣୀ ସ୍ବାଇଁ.ବ୍ଲକ ଉନ୍ନୟନ ଅଧିକାରିଣୀ ଶୁଭଶ୍ରୀ ରଥ,ଅତିରିକ୍ତ ବ୍ଲକ ଉନ୍ନୟନ ଅଧିକାରିଣୀ ରୁବି ତପସ୍ବିନୀ ଦାସ, ସରପଂଚ ଗାୟତ୍ରୀ ରାଉତରାୟ,ସମାଜସେବୀ ସୁବ୍ରତ କୁମାର ପାତ୍ର,ଶାଶ୍ୱତ ରାଉତରାୟ, ପ୍ରଶାନ୍ତ କୁମାର ନାୟକ,ବିଭୂତି ଭୂଷଣ ଜେନାମଣି,ରାଜେଶ କୁମାର ସାହୁ.ଗୋପୀନାଥ କର,ତମାଳି ଲତା ମିଶ୍ର,ସ୍ନିଗ୍ଧାରାଣୀ ମହାନ୍ତି ଏବଂ ମଂଜୁଲତା ଦାସ ପ୍ରମୁଖ ଯୋଗଦାନ କରି ସାଫଲ୍ୟ ମଣ୍ଡିତ କରିଥିଲେ ।
ବିବାହ ତତ୍ୱ ଜ୍ଞାନ
ମନିଷୀ ବାର୍ତା
କାଳିଆବୋଦା ମହା ଶ୍ମଶାନକୁ ସଫା କଲେ ସ୍ବେଛାସେବୀ
IYA NEWS (କଟକ) ତା:୩୦/୦୮/୨୦୨୦ରିଖ ମାଳିକା ରଚିତ କାଳିଆବୋଦା ମହାଶ୍ମଶାନ କଟକ ମହାନଗର ନିଗମର ଦାୟିତ୍ୱରେ ଥିଲେ ମଧ୍ୟ ଏହାକୁ ସଠିକ ରକ୍ଷାଣବେକ୍ଷଣ କରାଯାଉନଥିବା ଦେଖାଯାଉଛି ।ବର୍ତ୍ତମାନ ଏହି ସ୍ଥାନରେ ସ୍ଥାନୀୟ ଲୋକଙ୍କ ମୃତଦେହ ସହ କରୋନା ରୋଗୀଙ୍କ ମୃତଦେହ ମଧ୍ୟ ସତ୍କାର ହେଉଛି ।।ଜିଲ୍ଲା ପ୍ରଶାସନ କରୋନା ମୃତଶରୀର ସତ୍କାର ପାଇଁ ଅନୁମତି ଦେଇଥିଲେ ମଧ୍ୟ କୌଣସି ପ୍ରକାର ପରିଷ୍କାର ଓ ସଫେଇ ହେଉନଥିବା ଦେଖାଯାଉଛି।କଟକ ମହାନଗର ନିଗମ ତରଫରୁ କୌଣସି ଡ଼ଷ୍ଟବିନ ନଥିବାରୁ ଶବସତ୍କାର କରିବାକୁ ଆସୁଥିବା ଲୋକମାନେ ଶବସତ୍କାର ପରେ ମାଟିହାଣ୍ଡି,ଲୁଗାପଟା, ମାସ୍କ,ଗ୍ଲୋବ୍ସ, ଫେସ ସିଲ୍ଡ,ପିପିଇ କିଟ୍ ଓ ଅନ୍ୟାନ୍ୟ ସାମଗ୍ରୀ ଏଣେତେଣେ ପଡିରହୁଛି ।କଟକ ସହରର ଏକ ମୂଖ୍ୟ ଶ୍ମଶାନ ହୋଇଥିବାରୁ ଦୈନିକ ଅନେକ ମୃତଦେହ ସତ୍କାର ହେଉଛି ମାତ୍ର ଶବସତ୍କାର ପରେ ଏହାର ପାଉଁଶକୁ ସଫା କରାଯିବା ପାଇଁ କୌଣସି ବ୍ୟବସ୍ଥା କରାଯାଇନାହିଁ ।।ବର୍ତ୍ତମାନ ବର୍ଷାଦିନ ଯୋଗୁଁ ଅନାବନା ଗଛ ଉଠି ଘଞ୍ଚଜଙ୍ଗଲ ସୃଷ୍ଟି ହେବାଦ୍ଵାରା ବିଷାକ୍ତ ଜୀବଜନ୍ତୁ ରହୁଥିବା ଦେଖାଯାଉଛି ଓ ବହୁତ ଦୁର୍ଗନ୍ଧ ହେଉଛି ।ଏହି ଅପରିଷ୍କାର ପରିବେଶକୁ ଦେଖି ଆଜି ସୂଚନାଅଧିକାର କର୍ମୀ ଜିତେନ୍ଦ୍ର ସାହୁଙ୍କ ନେତୃତ୍ୱରେ ମହଶ୍ମଶାନକୁ ସଫେଇ କରାଯାଇଥିଲା ।ଏହି ସଫେଇ କାର୍ୟ୍ୟକ୍ରମରେ ଭାଗ୍ୟଧର,ପ୍ରମୋଦ ଦାଶ,ରାହୁଲ ଦାଶ,କାଳନ୍ଦୀ ବେହେରା, ରାଜେନ୍ଦ୍ର ସାହୁ,ରାଜକୁମାର ମହାନ୍ତି ଓ କାଳନ୍ଦି ଜେନା ସାମିଲ ହୋଇଥିଲେ।।ପୁର୍ବତନ ବିଧାୟକ ପ୍ରଭାତରଞ୍ଜନ ବିଶ୍ଵାଳ ସଫେଇ କାର୍ୟ୍ୟକ୍ରମରେ ସମସ୍ତଙ୍କୁ ଧନ୍ୟବାଦ ଦେବାସହ କଟକ ମହାନଗର ନିଗମ ସ୍ଵାସ୍ଥ୍ୟ ଅଧିକାରୀ ଡଃ ସତ୍ୟବ୍ରତ ମହାପାତ୍ର ତୁରନ୍ତ ଡଷ୍ଟବୀନ ବ୍ୟବସ୍ଥା କରିବା ସହ ଅଞ୍ଚଳକୁ ସମ୍ପୂର୍ଣ୍ଣ ସଫାକରିବା ପାଇଁ ପ୍ରତିଶ୍ରୁତି ଦେଇଛନ୍ତି।